| e-texts navigator |
| Wylie |
313a1 ། བདར་ཏེ། ལྷན་ཅིག་ཏུ་གྲོང་ཁྱེར་ཆེན་པོ་མཉན་ཡོད་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་ག་ལ་བ་དེར
313a2 སོང་སྟེ་བྱིན་ནས། བཅོམ་ལྡན་འདས་ཀྱི་ཞབས་ལ་མགེ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ།། དེ་ནས་བཅོམ་ལྡན་འདས་ཀྱིས
313a3 མཁྱེན་བཞིན་དུ། ཁྱིམ་བདག་དཔའ་སྦྱིན་དང་། ཁྱིམ་དག་ལྔ་བརྒྱ་ཙམ་དེ་དག་ལ་བཀའ་སྩལ་པ། ཁྱིམ་བདག་རྣམས་ཁྱེད་དོན་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
313a4 རྒྱས་ཀྱི་ཐད་དུ་ལྷགས། དེ་ནས་ཁྱིམ་བདག་དཔའ་སྦྱིན་དང་། ཁྱིམ་བདག་ལྔ་བརྒྱ་ཙམ་དེ་དག་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ
313a5 བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དུས་གཅིག་ཅིག་ན། བདག་ཅག་ཁྱིམ་བདག་ལྔ་བརྒྱ་ཙམ
313a6 གཅིག་ཏུ་འདུས་ཏེ་མཆིས་པར་འགྱུར་ནས། དེའི་ཚེ་བདག་ཅག་འདུས་ཏེ་མཆིས་པ་ཐམས་ཅད་བར་སྐབས་སུ་འདི་ལྟ་བུའི་བཀའ་མཆིད་བརྗོད་པ་དེ་བྱུང་སྟེ། ཀྱེ་གྲོགས་པོ་རག་སངས་རྒྱས་འབྱུང་བ་རྙེད་པར་དཀའ
313a7 མིར་སྐྱེ་བ་རྙེད་པར་དཀའ། དལ་བ་ཕུན་སུམ་ཚོགས་པ་རྙེད་པར་དཀའ། དེ་བཞིན་གཤེགས་པའི་བསྟན་པ་ལ་དད་པ་རྙེད་པར་དཀའ། རབ་ཏུ་འབྱུང་བ་རྙེད་པར་དཀའ། དགེ་སློང་གི་དངོས་པོ་རྙེད་པར་དཀའ།
iiif viewer powered by OpenSeadragon
