| e-texts navigator |
| Wylie |
310a1 བཟོད་པ་གསུམ་ཐོབ་སྐྱེ་བའི་སྤྱོད་ཡུལ་མ་ཡིན་ཏེ།། སངས་རྒྱས་ཚུལ་དང་ཡོན་ཏན་དག་ལ་རབ་ཏུ་གནས།། འདི་ནི་འཇིག་རྟེན་གང་དུ་རྒྱུ་བ་བྱེད་པ་ན།། དེར་ནི་སྐྱེ་བོ་མང་པོ་རྣམ
310a2 པར་གྲོལ་བར་བྱེད།། སངས་རྒྱས་ཀྱི་ནི་སྲས་འདི་གང་དུ་གནས་པ་དེར།། དེ་བཞིན་གཤེགས་པས་ཡུལ་ནི་སྟོངས་པ་མ་ཡིན་ཏེ།། དེ་ལ་ལྷ་དང་བཅས་པའི་འཇིག་རྟེན་མ་ལུས་པས།། ཇི་ལྟར་སངས་རྒྱས
310a3 བཞིན་དུ་འདི་ལ་གུས་པར་གྱིས།། ད་ནི་མྱ་ངན་འདས་ནས་ཉམས་པའི་དུས་བབ་ཚེ།། ངེས་པ་འདི་ནི་སངས་རྒྱས་སྤྱོད་པ་སྤྱད་ནས་ཀྱང་།། སྔོན་ཆད་གནས་པ་མངོན་པར་དགའ་བའི་འཇིག་རྟེན་ཁམས།། །
310a4 མི་འཁྲུགས་འཇིག་རྟེན་ཉིད་དུ་ཕྱིར་ཡང་འགྲོ་བར་འགྱུར།། བརྟེན་པོ་སྲོག་ཆགས་རྣམས་ལ་ཕན་པར་བྱ་བ་དང་།། ཞིང་གི་འབྱོར་པ་དག་ནི་ཡོངས་སུ་བཙལ་བ་དང་།། བྱང་ཆུབ་ཏུ་ནི་སེམས་ཅན་ཡོངས་སུ་སྨིན
310a5 བྱའི་ཕྱིར།། བསྐལ་པ་མངས་མེད་གསུམ་དུ་སྤྱད་པ་སྤྱོད་པར་བྱེད།། དེ་ཡི་འོག་ཏུ་དེ་ནི་སྐྱོབ་པ་རྒྱལ་བར་འགྱུར།། མིང་ནི་འཇིག་རྟེན་རྒྱལ་པོ་དབང་ཕྱུག་ཅེས་ཀྱང་བྱ།། དེ་བཞིན་གཤེགས་པ་མི་འཁྲུགས
310a6 པ་ཞེས་བྱ་བ་ཡི།། ཞིང་དང་དེ་ཡི་འཇིག་རྟེན་དུ་ནི་མཚུངས་པ་ཡིན།། འཇིག་རྟེན་ཁམས་དེ་ལགས་པར་སྤྲུལ་པ་ཞེས་བྱ་སྟེ།། ཡོན་ཏན་ཐམས་ཅད་དང་ནི་ལྡན་པར་འགྱུར་བ་ཡིན།། དེ་ཡི་ཚེ་ཡི་ཚད
310a7 ནི་ལོ་ཁྲིར་ཐུབ་པར་འགྱུར།། དེ་ཡི་དགེ་འདུན་ཤིན་ཏུ་མང་སྟེ་བགྲང་ལས་འདས།། ཉན་ཐོས་ཐེག་པ་ཅན་གྱི་དགེ་འདུན་ཉུང་བར་འགྱུར།། ཕལ་ཆེར་བྱང་ཆུབ་དོན་དུ་བརྩོན་པ་བྱས་ནས་སུ།། དེ་དག་ཐམས་ཅད
iiif viewer powered by OpenSeadragon
