| e-texts navigator |
| Wylie |
309b1 ཕ་རོལ་ཕྱིན་པ་འདི་དག་ལ་ནི་ལེགས་པར་བསྒྲུབས།། མངོན་པར་ཤེས་པ་དག་གིས་སྔན་ཆད་རྩེ་བར་བྱས།། ཚངས་པའི་གནས་རྣམས་ཀྱི་ནི་མཐའ་མར་ཕྱིན་པར་སོང་།། ཐངས་ལ་མཁས་པའི་སྤྱོད་པ།
309b2 དག་ལ་ལེགས་པར་བསླབས།། འདིར་ནི་དེ་ཡིས་འདུས་བྱས་སྐྱོན་རྣམས་ལེགས་པར་མཐོང་།། སངས་རྒྱས་བྱང་ཆུབ་ཀྱང་ནི་མངོན་སུམ་གྱུར་པར་བྱས།། འདིས་ནི་སེམས་ཅན་ཇི་ལྟ་ཇི་ལྟར་བར་གྱུར་པའི།།
309b3 རྣམ་པར་སྨིན་པའི་མཚན་ཉིད་ལ་ཡང་ལེགས་པར་བསླབས།། འཇིག་པ་མེད་ཅིང་བློ་དང་རྟོགས་དང་དྲན་དང་ལྡན།། སྤོབས་པ་དང་ནི་གཟུངས་རྣམས་དང་ཡང་ལྡན་པ་སྟེ།། བདུད་ཀྱི་ལྕགས་ཀྱི་ཉོན་མོངས
309b4 རྫབ་ལས་ངེས་བྱུང་ཞིང་།། སངས་རྒྱས་སྤྱོད་ཡུལ་དྲོན་ཆེན་ལ་ནི་རབ་ཏུ་གནས།། འཇིག་རྟེན་ཆོས་རྣམས་མང་པོ་དག་གིས་མ་གོས་ལ།། ཆགས་པ་ལ་སོགས་རྣམས་ཀྱིས་བྲག་ལྟར་ཡོངས་མི
309b5 གཡོས།། སུ་ཡི་དྲུང་དུ་མི་འགྲོ་རིང་དུ་བྱེད་པའང་མིན།། ནམ་མཁའ་ལྟ་བུར་བཅིངས་དང་གྲོལ་བ་མེད་པ་ཡིན།། སྙིང་རྗེས་གནས་ཤིང་སེམས་ཅན་ཡོངས་སུ་སྐྱོ་བ་མེད།། ཤིན་ཏུ་བསྡབས
309b6 ཤིང་ནེམ་ནུར་ཅན་ལ་བྱམས་སེམས་ལྡན།། སེམས་ཅན་ཀུན་ལ་བདག་དང་འདྲ་བར་སྡུག་པར་ལྟ།། སྐྱོན་ལ་མི་ལྟ་འཁྲུལ་པ་དག་དང་ལྡན་མ་ཡིན།། ཇི་ལྟར་བསྟན་པ་བཞིན་དུ་བསྒྲུབས
309b7 པ་རྣམས་ལ་གནས།། འདི་ནི་ཇི་སྐད་སྨྲས་པ་བཞིན་དུ་སྤྱོད་པར་བྱེད།། ཆོས་ཉིད་ལ་ནི་ཆོས་ཀྱི་ཚུལ་གྱིས་ལེགས་པར་བསླབས།། སྟོང་པ་ཉིད་ལ་མོས་ཤིང་གཉིས་ལས་རྣམ་པར་གྲོལ།
iiif viewer powered by OpenSeadragon
