| e-texts navigator |
| Wylie |
308a1 འདུག་གོ།། དེ་ནས་རྒྱལ་པོ་གསལ་རྒྱལ་གྱིས། རིགས་ཀྱི་བུ་ངེས་པ་ལ་ཁྲིའུ་སྟན་བཟང་པོ་བདག་ཉིད་ཀྱིས་བྱིན་ཏེ། འདི་ལ་འདུག་ཅིག་ཅེས་བྱས་ནས། རིགས་ཀྱི་བུ་ངེས་པའི།
308a2 སྟན་བཟང་པོ་དེ་ལ་འདུག་གོ།། རྒྱལ་པོ་གསལ་རྒྱལ་བ་ཁོར་དང་བཅས་པའང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རང་རང་གི་བསྟན་ལ་འཁོར་རོ།། དེ་ན་རིགས་ཀྱི་དུ་གང་དག་གིས།། དེས
308a3 པ་སྔོན་མ་མཐོང་བ་དེ་དག་འདི་སྐད་དུ་དབུལ་པོ་གོས་ངན་པ་གྱོན་པ་འདྲི་ལ་འདི་ལྟ་བུར་མཆོད་པ་བྱེད་དོ་ཞེས་འཛེར་ཏོ།། དེ་ནས་ལྷའི་དབང་པོ་བརྒྱ་བྱིན་གྱིས། ལྷའི་བུ་དེ་དག་ལ་འདི་སྐད་ཅེས་སྨྲས་སོ།། གྲོགས
308a4 པོ་དག་འདི་ལ་བརྙས་པར་མ་བྱེད་ཅིག། རིགས་ཀྱི་བུ་འདི་ཡོན་ཏན་གྱི་ཆེ་བ་ཉིད་ཇི་སྙེད་པ་དང་ལྡན་པ་དེ་ནི་ཁོ་བོའི་མངོན་སུམ་དུ་གྱུར་ཏོ།། གྲོགས་པོ་དག་ཁྱེར་རེ་ཞིག་སྡོད་ཅིག་དང་། རིགས་ཀྱི་བུ་འདིའི་ཡོན་ཏན་གྱི་བཀོད
308a5 པ་མཐོང་བར་འགྱུར་རོ།། དེ་ནས་རིགས་ཀྱི་བུ་ངེས་པས། ལྷའི་བུ་དེ་དག་གི་བསམ་པ་རྟོགས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བྱང་ཆུབ་སེམས་དཔའ་རྣམས་ཀྱི་སེམས་ཅན
308a6 ཡོངས་སུ་སྨིན་པར་བགྱི་བའི་བཀོད་པའི་ཐབས་དང་། ཡེ་ཤེས་ཀྱི་བཀོད་པའི་ཐབས་བཅོམ་ལྡན་འདས་ཀྱིས་བཤད་དུ་གསོལ། དེ་ནས་བཅོམ་ལྡན་འདས་ཀྱིས་སྐུ་ལས་འོད་ཕྱུང་སྟེ། འོད་དེས་དེས
308a7 པའི་ལུས་ལ་རེག་ནས། ལྷའི་དབང་པོ་བརྒྱ་བྱིན་གྱི་གཟུགས་ཀྱི་ལུས་ཡོངས་སུ་གྲུབ་པ་ཅི་འདྲ་བ་དེ་ལས་འདུམ་གྱུར་པས་ཀྱང་ཆེས་ལྷག་པར་གྱུར་ཏོ།། དེ་ནས་ལྷའི་བུ་དེ་དག་ཡ་མཚན་དུ་འཛིན་པར་གྱུར་ཏེ། ངེས་པ
iiif viewer powered by OpenSeadragon
