| e-texts navigator |
| Wylie |
303a1 བཟུང་བ་ལས།། ངེས་པ་ཁྱོད་ཉིད་ལས་ནི་ཆོས་འདི་ཐོས་པས་མ།། རབ་ཏུ་བསྡམས་ཏེ་ཁོ་བོས་ཆོས་བཞིན་སྤྱད་པར་བྱ།། ཁྱིམ་ན་གནས་པ་བརྒྱ་ཕྲག་ལྔ་པོ་འདི་དག་ནི།། ནོར་གྱི་ཆེད་དུ་ལོ
303a2 བོས་གོ་རང་བཅུག་པ་སྟེ།། ཁོ་བོས་ཐམས་ཅད་གཏང་གིས་བདེ་བར་འཁོད་པར་གྱིས།། ཕྱིན་ཆད་འདི་འདྲ་བ་དག་ཁོ་བོས་ཡོངས་མི་བྱེད།། ལྔ་བརྒྱ་བཏང་བར་གྱུར་པ་གང་ཡིན་དེ་དག་ཀྱང་།། དེས་པ་ལ་ནི་ཞེས་ལེགས་པར
303a3 བསྐྱེད་ནས་ཀྱང་།། སེམས་ནི་སྐྱོ་བར་གྱུར་ཀྱང་ཅི་ལའང་མི་ལྟ་བར།། བདེ་བ་ཐམས་ཅད་མཁྱེད་པ་ཉིད་དུ་སྨོན་ལམ་བཏབ།། ང་ནི་དབུལ་པོ་མ་ཡིན་ཁྱོད་ནི་དབུལ་པོ་ཞེས།། ངེས་པ་ཁྱོད་ཀྱིས་ཚིག་འདི་ལེགས་པར་སྨྲས་པ་སྟེ།
303a4 ངེས་པ་ལ་ནི་གང་ཞིག་དངུལ་པོ་ཞེས་བརྗོད་པ།། མི་དེ་རྒྱལ་པོའི་ཁྲིམས་དང་འགལ་བར་བྱེད་པ་ཡིན། དེ་ནས་བཅོམ་ལྡན་འདས་ལ།། རིགས་ཀྱི་བུ་ངེས་པས་འདི་སྐད་ཅེས་གསོལ་ཏོ།། བཅོམ་ལྡན་འདས
303a5 སྐྱེ་བོའི་ཚོགས་ཆེན་པོ་འདུས་པ་འདི་ནི་བཅོམ་ལྡན་འདས་ལ་བལྟ་བས་ཆོག་མ་འཚལ་བ་ལགས་ན། བཅོམ་ལྡན་འདས་དེའི་སླད་དུ་ཅི་ནས་འདི་དག་གིས་དེ་བཞིན་གཤེགས་པ་མཐོང་བ་དོན་མཆིས་པར་གྱུར་པ་དེ་ལྟ་དེ
303a6 ལྟར་འདི་དག་ལ་ལེགས་པར་ཆོས་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ངེས་པ་རིགས་ཀྱིས་བུ་ཆོས་བཞི་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། བཞི་གང་ཞེ་ན།
303a7 ཡིད་ཆེས་པ་དང་། དད་པ་དང་། འཕངས་པར་འཛིན་པ་དང་། གུས་པ་སྟེ། ཆོས་བཞི་པོ་དེ་དག་དང་ལྡན་ན།། དེ་བཞིན་གཤེགས་པ་ལེགས་པར་མཐོང་བ་ཡིན་ནོ།། གཞན་ཡང་བཞི་སྟེ། དེ་བཞིན་གཤེགས་པའི
iiif viewer powered by OpenSeadragon
