| e-texts navigator |
| Wylie |
300b1 གང་དག་དྲན་པ་མ་མཆིས་དེ་དག་དངུལ་བ་ཉིད་ནི་ཐོབ་པ་ལགས།། གང་དག་དཀོན་མཆོག་གསུམ་པོ་དྲི་མ་མེད་ལ་གུས་པ་ཤིན་ཏུ་ཆེ་བ་དང་།། ལུས་དང་སྲོག་དང་ནོར་རྣམས་ལས་ནི་རྟག་ཏུ་སྙིང་པོ་སྒྲུབ་པའི
300b2 མཁས་པ་དག། རྟག་ཏུ་མི་བརྐམ་སྡང་བར་མི་བགྱིད་གླེན་པ་མ་ལགས་རབ་ཏུ་རྒྱགས་མ་མཆིས།། ལྷ་གཅིག་གང་དག་ཆོས་ཀྱི་བརྒྱན་པ་དེ་དག་ནོར་ཆེ་སྐྱེས་བུ་དམ་པ་ལགས།། ལྷ་གཅིག་མེ་ནི་རྟག་ཏུ་ནགས
300b3 ཀྱི་སྤུན་སྤུན་སྐམ་པོ་བསྲེགས་པས་ཆོག་མ་འཚལ།། ལྷ་གཅིག་འདི་ན་རྒྱ་མཚོ་ཆུ་ཀླུང་རྣམས་ཀྱི་རྒྱུ་འཛིན་པས་ཀྱང་ཆོ་ག་མ་འཚལ།། འདི་ན་ཉི་མ་ཟླ་བ་འདི་དག་མཁའ་ལ་མཐར་གྱིས་རྒྱུ་བས་ཆོག་མ་འཚལ།
300b4 རྒྱལ་པོ་བརྐམ་ཕྱིན་རྟག་ཏུ་ལོངས་སྤྱོད་དག་གིས་ཆོག་མི་མཁྱེན་པས་རླག་པར་འགྱུར།། ཞུགས་ནི་གུམ་པར་གྱུར་པས་རྩ་མང་དག་གིས་སླར་ཡང་འབར་བར་ཡོངས་མི་བགྱིད།། དེ་བཞིན་མཁས་པས་ཤེས་རབ
300b5 ཆོག་པར་མི་འཛིན་ཉོན་མོངས་རྣམས་ཀྱིས་འབར་མི་བགྱིད།། ཆུ་ཡི་ཐིགས་པ་བཞིན་དུ་རྒྱལ་སྲིད་དག་ཀྱང་མི་བརྟན་འཇིག་པར་རང་ཕྱོགས་ན།། གནོད་པའི་རྩ་བར་གྱུར་ཅིང་དགེ་བ་འཇོམས་པའི་རྒྱལ་སྲིད་དེ་ནི་སྲ
300b6 ཞིག་འཚལ། དེ་ནས་རྒྱལ་པོ་གསལ་རྒྱལ་སེམས་འཁྲུགས་ནས།། གྲོང་ཁྱེར་གྱི་དབུལ་པོ་ངེས་པ་ལ་འདི་སྐད་ཅེས་སྨྲས་སོ།། ངེས་པ་དེ་ལྟར་ང་ནི་དབུལ་ལ། ཁྱོད་ལ་ཕྱུག་པར་ཁྱོད་ལ་དབང་སུ་ཡོད
300b7 ངེས་པས་སྨྲས་པ། ལྷ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཉན་ཡོད་འདི་ཉིད་ན་བཞུགས་པ་ཁྱོད་ཀྱིས་མ་གས་ན་ཏམ།། རྒྱལ་པོས་སྨྲས་པ། ངས་མཐོང་ཡང་མཐོང་ངོ་།།
iiif viewer powered by OpenSeadragon
