| e-texts navigator |
| Wylie |
299b1 ནི་རླུང་རྣམས་བཞིན།། གང་དག་ལ་ནི་ཆོག་མེད་པ།། མ་བསྣམས་དེ་དག་དབུལ་པོ་ཡིན།། གང་དག་འདོད་པ་རབ་འཕེལ་ཞིང་།། ཡང་ཡིད་ནི་སྐྱེ་འགྱུར་བ།། རྨོངས་པ་དེ་དག་ཚེ་འདི་དང་།། ཕ་རོལ་ཏུ་ཡང་དངུལ་པོར་འགྱུར།། དེ་ནས
299b2 གྲོང་ཁྱེར་གྱི་དབུལ་པོ་ངེས་པ་སྐྱེ་བོ་ཕལ་པོ་ཆེ་དེ་དག་གིས་ཡོངས་སུ་བསྐོར་ཅིང་ནོར་བུ་རིན་པོ་ཆེ་དེ་ཁྱེར་ནས། རྒྱལ་པོ་གསལ་རྒྱལ་གྱི་དོན་བྱ་བའི་ས་ག་ལ་བ་དེར་སོང་ངོ་།། དེའི་ཚེ་རྒྱལ་པོ་གསལ་རྒྱལ་གྱིས་ཀྱང་ཚོང
299b3 དཔོན་དང་། ཁྱིམ་བདག་རིགས་དང་ལྡན་པའི་མཆོག་ལྔ་བརྒྱ་ཙམ་ཞིག་གཡོན་ཆུང་ངུའི་ཕྱིར་བདོག་པ་ཐམས་ཅད་ཐོགས་སོ།། གྲོང་ཁྱེར་གྱི་དངུལ་པོ་ངེས་པས་ནོར་བུ་རིན་པོ་ཆེ་དེ་རྒྱལ་པོ་ལ་ཕུལ་ཏེ། རྒྱལ་པོ་ཆེན་པོ་ནོར
299b4 བུ་རིན་པོ་ཆེ་རིན་ཐང་མ་མཆིས་པ་འཛམ་བུ་གླིང་ཐམས་ཅད་རི་བ་བདག་གིས་རྙེད་པ་འདི་བདག་གིས་འདི་སྙམ་དུ་བསམས་ཏེ། མཉན་ཡོད་འདི་ན་ཐམས་ཅད་ཀྱི་ནང་ན་དབུལ་པོ་གང་ལགས་པ་དེ་ལ་སྩལ་ཏེ་སྙམ་མོ།།
299b5 དེ་ལ་བདག་གིས་འདི་སྙམ་དུ་བསམས་ཏེ། ཁྱོད་ནི་འདི་ན་ཐམས་ཅད་ཀྱི་ནང་ན་དབུལ་པོ་ལགས་སོ་སྙམ་བགྱིད་ཀྱིས།། ཀྱེ་ནོར་བུ་རིན་པོ་ཆེ་འདི་བཞེས་སུ་གསོལ། དེ་ནས་རྒྱལ་པོ་གསལ་རྒྱལ་ཡུལ
299b6 ཡུལ་པོར་གྱུར་ཅིང་ངོ་ཚ་བར་གྱུར་ནས། གྲོང་ཁྱེར་གྱི་དབུལ་པོ་ངེས་པ་ལ་འདི་སྐད་ཅེས་སྨྲས་སོ།། ངེས་པ་ཅིང་ཁྲོད་པས་ཀྱང་ཆེས་དབུལ་ལམ།། ངེས་པས་སྨྲས་པ། ལྷ་དེ་ལྔ་ལགས་ཏེ་བདག་པས་ཆེས་ཁྱོད་དབུལ
299b7 ལགས་སོ།། རྒྱལ་པོས་སྨྲས་པ། རྣམ་གྲངས་གང་གིས་དབུལ། ངེས་པས་ཚིགས་སུ་བཅད་དེ་སྨྲས་པ། གང་གིས་འདོད་པ་རབ་མང་རྣམ་པར་འཕེལ་ཞིང་ལོངས་སྤྱོད་དག་གིས་ཆོག་མ་འཚལ།
iiif viewer powered by OpenSeadragon
