| e-texts navigator |
| Wylie |
299a1 ལྔ་བཞིན་མི་རྟག་མི་བརྟན་ན།། མཁས་པ་སུ་ཞིག་དེ་ལ་དགའ་བར་བྱེད།། གང་ལ་སྐྱེ་མེད་རྒ་མེད་འཆི་བ་མེད། སྡུག་དང་མི་སྡུག་རྣམས་དང་ཕྲང་པའང་མེད་།། འཚེར་གྲོལ་མཛད་སངས་རྒྱས
299a2 འགྱུར་བ་ཞེས།། དེ་ཐོབ་བྱ་ཕྱིར་སེམས་ཀྱི་སྤྱོད་པ་ངེས།། བརྒྱ་བྱིན་གྱིས་སྨྲས་པ། ཕན་བྱེད་ཁྱོད་ཀྱི་ཚིག་ལ་རྗེས་སུ་ཡི་རང་སྟེ།། ཁྱོད་ཀྱིས་སྨོན་ལམ་བཏབ་པ་ལེགས་པར་གྲུབ་གྱུར་ཅིག། བདུད་རྣམས་སྡེར་བཅས
299a3 མྱུར་དུ་ངེས་པར་བཅོམ་ནས་ནི།། ཤཱཀྱ་སེང་གེ་རྒྱལ་ལྟར་བྱང་ཆུབ་ཐེབ་གྱུར་ཅིག་དེ་ནས་གྲོང་ཁྱེར་གྱི་དབུལ་པོ་ངེས་པས་དུས་གཞན་ཞིག་ན་ནོར་བུ་རིན་པོ་ཆེ་རིན་ཐང་མེད་པ་ཞིག་རྙེད་ནས། དེ་འདི
299a4 སྙམ་དུ་སེམས་ཏེ། ནོར་བུ་རིན་པོ་ཆེ་འཛམ་བུའི་གླིང་ན་མཆོག་ཏུ་གྱུར་པ་འདི་བདག་གིས་མཉན་ཡོད་འདི་ན་ཐམས་ཅད་ཀྱི་ནང་ན་དབུལ་པོ་གང་ཡིན་པ་དེ་ལ་སྦྱིན་གོར་མ་ཆག་གོ་སྙམ་ནས་དེ་གྲོང་བར་དུ་སོང་སྟེ། ཐམས
299a5 ཅད་ཀྱི་ནང་ན་དབུལ་པོ་སུ་ཡིན་པ་དེ་ལ་རིན་པོ་ཆེ་འདི་སྦྱིན་ནོ་ཞེས་སྒྲ་བསྒྲགས་པ་དང་། དབུལ་པོ་མགོན་མེད་པ་ཕལ་པོ་ཆེ་དེར་འདུས་ཏེ། བདག་ཅག་དབུལ་པོ་ཡིན་གྱིས། བདག་ཅག་ལ་བྱིན་ཅིག་ཅེས་འཛེར་ཏོ།། དུས
299a6 པས་སྦས་པ། ཁྱེད་ནི་དབུལ་པོ་མ་ཡིན་གྱི། མཉན་ཡོད་འདི་ན་ཆེས་དངུལ་པོ་གཞན་ནིག་ཡོད་ཀྱི།། དེ་ལ་སྦྱིན་ནོ།། དེ་དག་གིས་སྨྲས་པ།། གང་ཡིན།། དེས་པས་སྨྲས་པ། རྒྱལ་པོ་གས་རྒྱལ་འདི་ཡིན་ནོ།། དེ་དག་གིས
299a7 སྨྲས་པ། ཁྱོད་དེ་སྐད་མ་ཟེར་ཞིག། རྒྱལ་པོ་གསལ་རྒྱལ་ནི་ཕྱུག་ཅིང་ནོར་མངལ་ལོངས་སྤྱོད་ཆེ་བ་ཡིན་གྱི། བདག་ཅག་ནི་དབུལ་ཞིང་མགོན་མེད་པ་ཡིན་ནོ།། དེས་པས་སྨྲས་པ། ནོར་མང་གིས་ནི་ཅི་ཞིག་བྱ།། རྒྱ་མཚོག
iiif viewer powered by OpenSeadragon
