| e-texts navigator |
| Wylie |
297a1 གླིང་གང་བ་ཡི།། གསེར་དག་ཁྱོད་ཀྱིས་བྱིན་ན་ཡང་།། ཁོ་བོས་ཆོས་ནི་བསྲུང་བའི་ཕྱིར།། རྟག་ཏུ་བརྫུན་ནི་སྤུ་མི་བྱེད།། དེ་ནས་བརྒྱ་བྱིན་གྱིས་སྤྲུལ་པའི་མིས་ངེས་པ་བརྫུན་ཟེར་དུ་གཞུག་མ
297a2 ནུས་ནས་སོང་ངོ་།། དེ་ནས་ལྷའི་དབང་པོ་བརྒྱ་བྱིན་གྱིས་ལྷའི་བུ་མོ་ཉི་འོད་དང་། སྤྲ་མ་ཡིན་གྱི་བུ་མོ་བདེ་སོགས་ལ་འདི་སྐད་ཅེས་སྨྲས་སོ།། ཁྱེད་གཉིས་སོང་ལ་བརྟུལ་ཞུགས་དང་དཀའ་ཐུང་བྱེད
297a3 པ་འདི། ཅི་འདོད་པ་ལ་ལོངས་སྤྱོད་པ་ཞིག་གམ། འོན་ཏེ་འདོད་པ་དོན་དུ་མི་གཉེར་བ་ཞིག་ཡིན་པ་རྟོགས་ཤིག། དེ་ནས་ལྷ་མ་ཡིན་གྱི་བུ་མོ་བདེ་སོགས་དང་། ལྷའི་བུ་མོ་ཉི་འོད་ནམ་ནངས་ནས་ཕྱོགས་གང་ན་ངེས་པ
297a4 འདུག་པའི་ཕྱོགས་དེར་སོང་ནས།། ངེས་པ་ལ་ཚིག་སྙན་པར་སྨྲ་ཏེ། ངེས་པ་བཞེངས། བདག་ཅག་གཉིས་ནི་ཁྱོད་ཀྱི་བསྙེན་བཀུར་བགྱིད་པ་ལགས་སོ།། ངེས་པ་བདག་ཅག་གཉིས་ཀྱི་གཟུགས་ཕུན་སུམ་ཚོགས་པ་ལ
297a5 གཟིགས། ཤ་ཚུགས་དང་། ཁ་དོག་དང་། དབྱིབས་དང་། ལུས་བྱུགས་པ་དང་། རྒྱན་དང་། ཆེས་དང་། ལྷབ་ལྷུབ་དག་ལ་གཟིགས། ན་ཚོགས་དང་པོའི་ལང་ཚོ་ལ་བབ་པ་ལ་གཟིགས། ངེས་པ་ཁྱོད་ཀྱིས་བསྙེན་བཀུར
297a6 བགྱིང་བ་འདི་འདྲ་བ་བདག་ཉིད་ཀྱི་བསོད་ནམས་ཕུན་སུམ་ཚོགས་པ་ལ་གཟིགས། ངེས་པས་བལྟས་ནས་སྤེས་པ།། ཁྱེད་གཉིས་ནི་སེམས་ཅན་དམྱལ་བ་དང་། དུང་འམོ་སྐྱེ་གནས་དང་། གཤིན་རྗེའི་འཇིག་རྟེན་དུ་སུ
297a7 བ་རྣམས་ཀྱི་བསྙེན་བཀུར་བྱེད་པ་ཡིན་གྱི། ལྷ་དང་མིར་ཞུགས་པ་དག་གི་ནི་མ་ཡིདན་བྱེང་གཉིས་ཀྱི་ལུས་ནི་སྤྱམ་དང་རྨི་ལམ་གྱི་རང་བཞིན་ལྟ་བུར་ཁོ་བོས་མཐོང་ངོ་།། ཁྱེད་གཉིས་ཀྱི་གཟུགས་ནི་ལྔ་བ་དང་། མུ་རུར་དྲིས
iiif viewer powered by OpenSeadragon
