| e-texts navigator |
| Wylie |
295b1 གསེར་མང་པོ་བསྟན་ནས་འདི་སྐད་ཅེས་སྨྲས་སོ།། ངེས་པ་འོ་ནི་ལས་ཁྱེར་ལ་སྦྱིན་པ་བྱིན་ཅིག། བསོད་ནམས་ངག་གྱིས་ཤིག། གོས་རང་རྒྱན་དག་ཀྱང་ཐོགས་ཤིག། ཁྱོད་ངམ་ཅིང་དབུལ་བས་ཅི་ཞིག་བྱ། ངེས་པས
295b2 སྤྲས་པ། གྲོགས་པོ་སྔོན་སེམས་ཅན་རྣམས་ལ་ལུས་ཀྱིས་ཉེས་པར་སྤྱད་པ་དང་། ངག་དང་ཡིད་ཀྱིས་ཉེས་པར་སྤྱད་པས་འདིར་དངུལ་པོ་ཞེས་བྱ་བར་གྱུར་ཏོ།། དེ་བས་མ་ཁེ་བོ་ནི་མ་བྱིན་པར་ལེན་པ་བྱེད་པར་མི་འདོད་དོ།།
295b3 བརྒྱ་བྱིན་གྱིས་སྨྲས་པ། ངེས་པ་ཁྱོད་ད་ལྟར་ཇེ་བདེ་བར་འཚོ་བར་གྱིས་ཤིག། འཇིག་རྟེན་ཕ་རོལ་བསམ་པས་ཁྱོད་ལ་ཅི་ཞིག་བྱ། ངེས་པས་སྨྲས་པ། གྲོགས་པོ་གང་ཚེ་འདི་ཆེད་ཆེར་འཛིན་པ་དེ་ནི་བྱིས་པའི་ཆོས་ཡིན་གྱི།
295b4 མཁས་པ་རྣམས་ནི་ཚེ་ཕྱི་མཆེད་ཆེར་འཛིན་ཏོ།། འདོད་པས་ཟིལ་གྱིས་ནོན་པ་དང་། ཞེ་སྡང་གིས་ཟིལ་གྱིས་ནོན་པ་དང་། གཏི་མུག་གིས་ཟིལ་གྱིས་ནོན་པ་དང་། འདོད་ཆགས་ཀྱིས་ཟིལ་གྱིས་ནོན་པ་དག་ནི་མ་བྱིན་པར་ལེན
295b5 པར་བྱེད་ཀྱི། མཁས་པ་དག་ནི་བརྐམ་པ་མ་ཡིན་ནོ།། སོགས་འཇོག་ཆེད་ཆེར་འཛིན་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་སོགས་འཇོག་མི་བྱེད་དོ།། བདག་གིར་འཛིན་པ་དང་བཅས་ཤིང་ཡོངས
295b6 སུ་འཛིན་པ་དང་བཅས་པ་དག་ནི་མ་བྱིན་པར་ཡ་ལེན་པར་བྱེད་ཀྱི། མཁས་པ་དག་ནི་བདག་ཏུ་མི་འཛིན་ཅིང་ཡོངས་སུ་འཛིན་པར་མི་བྱེད་དོ།། ལུས་དང་སྲོག་ལ་ལྟ་བ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག
295b7 ནི་ལུས་དང་སྲོག་ལ་མི་ལྟའོ།། ངོམས་མི་ཤེས་ཤིང་ཆོག་མི་ཤེས་པ་དག་ནི་མ་བྱིན་པར་ལེན་པར་བྱེད་ཀྱི། མཁས་པ་དག་ནི་ངོམས་ཤེས་ཤིང་ཆོག་ཤེས་པ་ཡིན་ནོ།། འཚོ་བ་ཡོངས་སུ་མ་དག་པ་དག་ནི་མབྱིན་པར་ལེན་པར
iiif viewer powered by OpenSeadragon
