| e-texts navigator |
| Wylie |
291b1 ཚིག་འདི་དག་ལ་ཉིན་གཅིག་བཞིན་དུ་དུས་གསུམ་དུ་འཇུག་གོ།། ཡིད་ལ་བྱེད་དོ།། དེ་འདི་ལྟ་སྟེ། འཇིག་རྟེན་དག་གི་ཁམས་རྣམས་ཐམས་ཅད་ན།། ཡང་དག་བཞུགས་པ་རྫོགས་པའི་སངས་རྒྱས་དང་།། ཆོས་དང་དགེ
291b2 འདུན་བྱང་ཆུབ་སེམས་དཔའ་ལ།། ཕན་འགྲོ་མགོ་བོས་མཐའ་ཡས་ཕྱག་ཀྱང་འཚལ།། འགྲོ་བའི་ནང་ན་ཡོན་ཏན་མཉམ་མེད་ཅིང་།། མི་མཉམ་པ་ཡི་ཡོན་ཏན་འབྱུང་གནས་ཅན།། ཡོན་ཏན་དཔག་མེད་དེ་དག་ཐམས་ཅད
291b3 ལནི་བདག་ནི་མགོ་ངོས་མཐའ་ཡས་སྐྱབས་སུ་མཆི། སངས་རྒྱས་དང་ནི་ཆོས་དང་ཚོགས་རྣམས་དང་།། བྱང་ཆུབ་སེམས་དཔའ་རྣམས་ཀྱིས་འཇིག་རྟེན་ཁམས།། གང་ཡང་བརྒྱལམ་སྟོངས་པར་མི་འགྱུར་བར།། དེ་ལྟར
291b4 གསོལ་བ་མཐའ་ཡས་རབ་ཏུ་འདེབས།། ཞི་བའི་ཆོས་ནི་རབ་ཏུ་སྟོན་མཛད་ཅིང་།། བསྐལ་པ་མ་ལུས་རྣམས་སུ་བཞུགས་པར་ཡང་།། འཇིག་རྟེན་ཁམས་རྣམས་ཀུན་གྱི་བདེ་གཤེགས་ལ། མགོ་བོས་གསོལ་བ་མཐའ་ཡས
291b5 རབ་ཏུ་འདེབས།། སྔོན་དང་འདི་དང་སྐད་ཅིག་ཙམ་ཡང་རུང་།། བདག་གིས་སྡིག་པ་གང་དང་གང་གྱིས་པ།། སྡིག་པ་དེ་དག་ཐམས་ཅད་སྨད་པར་བགྱི།། སྡིག་པ་ཐམས་ཅད་བདག་གིས་སྤང་བར་བགྱི།། སྐད་ཅིག་ཙམ་ཡང་བདག
291b6 གིས་དགེ་བ་འདི།། མ་ལུས་པར་ནི་ཡང་དག་གཟུང་བར་བགྱི།། ཚེ་ཡིས་ཇི་ཙམ་ཐུབ་ཀྱི་བར་དུ་ནི།། དགེ་བ་ཀུན་ལ་གནས་པར་འགྱུར་བར་འཚལ།། སངས་རྒྱས་དག་དུང་བྱང་ཆུབ་སེམས་དཔའ་རྣམས།། བྱང་ཆུབ་ཆོས་ཀྱི་འཁོར་ལོ།
291b7 རབ་བསྐོར་བ།། འཇིག་རྟེན་འདིར་ནི་བྱུང་དང་བྱུང་གྱུར་དང་།། འབྱུང་འགྱུར་རྣམས་ཀྱི་དགེ་བ་ཐམས་ཅད་དང་།། རྒྱལ་བ་རྣམས་དང་འཕགས་པ་ཐམས་ཅད་ཀྱི།། ཚུལ་ཁྲིམས་དང་ནི་ཡེ་ཤེས་ཏིང་འཛིན་དང་།། རྣམ་གྲོལ་ཚེ་དང་ཆོས
iiif viewer powered by OpenSeadragon
