| e-texts navigator |
| Wylie |
92a1 ཚེ་ཇི་ཙམ་ཐུབ་པར་རིག་སྔགས་ཐམས་ཅད་མ་རུངས་པར་འགྱུར་རོ། ། སེང་ལྡེང་གིས་རྡོ་རྗེ་བགྱིས་ཏེ་རིག་སྔགས་འཆང་གི་མིང་ནས་བརྗོད་ལས་ལ་ལན་ཅིག་བཙུགས་ན་བཤིག།
92a2 པར་འགྱུར་ཏེ། དེ་ཕྱིན་ཆད་རིག་སྔགས་འཆང་དེའི་གསང་སྔགས་རྣམས་མི་འཇུག་གོ།། རིག་སྔགས་གཅད་པར་བགྱི་འཚལ་ན། རིག་སྔགས་འཆང་གི་གཟུགས་བགྱིས་པ་བཅད་ན་བཅད་པ་བགྱིས
92a3 པར་འགྱུར་རོ། ། རིག་སྔགས་བཤིག་པར་བགྱིད་འཚལ་བས་རིག་སྔགས་དེ་རིག་པ་མཆོག་གི་སྙིང་པོ་དང་ལྷན་ཅིག་བརྗོད་ན་རིག་སྔགས་ཐམས་ཅད་བཤིག་པར་འགྱུར་ཏེ་ལས་མི་བགྱིད་དོ།། རིག་པ
92a4 འགུགས་པར་འཚལ་བས་མར་གྱི་ངོ་ཞག་བརྒྱད་ལ་ཉིན་ཞག་གཅིག་སྨྱུང་བར་བགྱིས་ལ་ལག་ན་རྡོ་རྗེའི་མདུན་དུ་མཆོད་པ་བགྱིས་ཏེ། རིག་པ་མཆོག་གི་སྙིང་པོ་དང་ལྷན་ཅིག་ལན་བརྒྱ་སྟོང་བཟླས་བརྗོད
92a5 བགྱིས་ན་རིག་པ་འགུགས་ཏེ་ཕྱིས་རིག་པ་སྒྲུབ་བོ། ། རིག་པ་ཉམས་པར་བགྱིས་ན་བཟླས་བརྗོད་བྱས་པས་ཆོག་སྟེ། ཆེ་གེ་མོའི་རིག་པ་ལ་གནོད་པ་མཛོད་ཅིག་ཅེས་བགྱིས་ན་རིག་པ་དེ་ལས་མི་བགྱིད་དོ།།
92a6 རིག་པ་ཚར་གཅད་པར་བགྱི་ན་ཐལ་བ་ལ་གཟུགས་བགྱིས་ཏེ། རིག་པ་མཆོག་གི་སྙིང་པོ་དང་ལྷན་ཅིག་བརྗོད་ལ་རྐང་པ་གཡོན་པས་ཀྱང་ཕྱིས་ན་རིག་པ་སྨད་པ་དང་ཉམས་པར་འགྱུར་ཏེ་ལས་མི་བགྱིད་དོ།།
92a7 གལ་ཏེ་རིག་སྔགས་འཆང་གཞིག་པར་འཚལ་ན། ལག་ན་རྡོ་རྗེའི་མདུན་དུ་རིག་སྔགས་འཆང་གི་མིང་ནས་བརྗོད་ད་མར་མེའི་སྙིང་པོ་མེ་ལྕེ་དང་བཅས་པ་བདུན་སྦྱིན་སྲེག་བགྱིས་ན་རིག་སྔགས་འཆང་བ
iiif viewer powered by OpenSeadragon
