| e-texts navigator |
| Wylie |
91b1 དུ་སྦྱོར་བ་བགྱིས་ན་ལས་རྣམས་སུ་འགྱུར་རོ། ། གདོན་ཚར་གཅད་ན་ཐལ་བའམ། ཆུ་འམ། དུར་ཁྲོད་ཀྱི་སོལ་བས་བསྣུན་ནོ།། ཡང་ན་གཟུགས་བགྱིས་ཏེ་ལྕུག་མས་གཞུས་ན་གཏོང་བར་འགྱུར
91b2 རོ། ། ཡང་ན་ས་ལ་གཟུགས་བགྱིས་ཏེ་དུར་ཁྲོད་ཀྱི་སོལ་བས་ལག་མཐིལ་ལ་རྡོ་རྗེ་བྲིས་ཏེ་ལག་པས་བཀབ་ན་གཏོང་བར་འགྱུར་རོ།། སྐུད་པ་ལ་མདུད་པ་བོར་བ་རྣམས་ཀྱིས་རིག་སྔགས་བཅིང་ངོ་།།
91b3 མཁའ་འགྲོ་མ་རྣམས་གཅད་པར་བགྱི་ན་ཡུངས་ཀར་དག་ལ་ལན་བདུན་བདུན་བསྔགས་ཏེ། བསྣུན་ན་མཁའ་འགྲོ་མ་ཐམས་ཅད་མ་རུངས་པར་འགྱུར་རོ།། དབབ་པར་བགྱི་ན་རྣ་བར་བཟླས་བརྗོད
91b4 བགྱིའོ། ། ཡང་ན་ཙན་དན་དམར་པོས་དཀྱིལ་འཁོར་བྱུགས་ལ་རྡོ་རྗེ་རྩེ་ལྔ་པ་བྲིས་ཏེ་གུ་གུལ་གྱི་བདུག་པ་དང་མེ་ཏོག་རྣམས་ཀྱིས་དབབ་བོ།། ཕྱག་རྒྱ་གཞིག་ན་ཆུ་འམ། ཐལ་ལྕག་གམ། སཾ
91b5 ཕག་གི་དུམ་བུ་རྣམས་ཀྱིས་སོ། ། དུག་ལས་གསོན་ཆུ་འམ། རྨ་བྱའི་མདོངས་སམ། ཆུ་དྲིའམ། མེ་ལོང་གིས་སོ།། མར་གྱི་ངོ་ཞག་བཅུ་བཞི་ནས་ལག་ན་རྡོ་རྗེའི་མདུན་དུ་ཞག་གསུམ་སྦྱང་བར་བྱས
91b6 ལ་ལན་བརྒྱད་སྟོང་བཟླས་བརྗོད་བགྱིའོ། ། དེ་ནས་བཅོམ་ལྡན་འདས་ལག་ན་རྡོ་རྗེས་དམ་པ་སྩོལ་བར་འགྱུར་ཏེ། དེའི་འོག་ཏུ་དུག་གསོ་བ་ལ་སོགས་པ་དང་ལས་གཞན་རྣམས་ཀྱང་བགྱིའོ།།
91b7 གལ་ཏེ་མཁའ་འགྲོ་མ་རྣམས་ཤིན་ཏུ་གཅད་པར་འཚལ་ན། དེ་ནས་ལག་ན་རྡོ་རྗེའི་མདུན་དུ་འབྲས་ཀྱི་གཟེགས་མས་ལན་བརྒྱ་སྟོང་སྦྱིན་སྲེག་བགྱིས་ན་ལག་ན་རྡོ་རྗེས་ཇི་སྐད་བཤད་པ་བཞིན་དུ
iiif viewer powered by OpenSeadragon
