| e-texts navigator |
| Wylie |
13b1 འདུ་ལས་ཞལ་གཅིག་པ་ལ་ཕྱག་བཞི་པ། དང་པོ་གཉིས་ཐལ་མོ་སྦྱར་བ། གཡས་འོག་མ་ན་བགྲང་འཕྲེང་མུ་ཏིག་དཀར་པོ།། གཡོན་འོག་མ་ན་པདྨ་དཀར་པོ་བསྣམས་པ། སྐུ་མདོག་དཀར་པོ།།
13b2 ཞབས་རྫོགས་པའི་སྐྱིལ་ཀྲུང་བཅས་པ། རིན་པོ་ཆེའི་རྒྱན་སྣ་ཚོགས་དང་། རིན་པོ་ཆེའི་དབུ་རྒྱན་གྱིས་མཛེས་པ། མ་ལྷ་མོ་དྲུག་མ་དང་། ཡབ་ནོར་བུ་རིན་པོ་ཆེས་བརྟེན་པ། བྱང་ཆུབ་སེམས་དཔའ
13b3 དང་སེམས་མ་རབ་ཏུ་མང་པོས་བསྐོར་ཏེ་འདི་སྐད་ཅེས་གསུངས་སོ། ། རིགས་ཀྱི་བུ་འམ། རིགས་ཀྱི་བུ་མོས་སྔགས་འདི་ལན་ཅིག་ཙམ་བརྗོད་དམ། དྲན་ཞིང་ཡིད་ལ་བྱས་སམ། བྲིས་ནས་ལུས་ལ
13b4 བཅངས་སམ། མོས་ཤིང་གུས་པར་བྱས་ན་མཚམས་མེད་པ་ལྔ་དང་། དེ་དང་ཉེ་བའི་སྡིག་པའི་ལས་ཐམས་ཅད་བྱང་ཞིང་། ངན་སོང་གསུམ་དང་། མི་ཁོམ་པ་བརྒྱད་དང་། སྡུག་བསྔལ་དང
13b5 བཅས་པར་མི་སྐྱེའོ། ། མི་དང་། མི་མ་ཡིན་པ་དང་། གཅན་གཟན་གྱི་འཇིགས་པ་ཐམས་ཅད་ལས་གྲོལ་བར་འགྱུར་རོ།། ནད་དང་གདོན་ཐམས་ཅད་ལས་ཐར་པར་འགྱུར་རོ།། ཨོཾ་མ་ཎི་པདྨེ་ཧཱུཾ།
13b6 ཞེས་བརྗོད་པས། འཕགས་པ་སྤྱན་རས་གཟིགས་ཀྱི་ཞལ་མཐོང་བར་འགྱུར་ཞིང་། ཚེ་འཕོས་ནས་ཀྱང་བདེ་བ་ཅན་དུ་སྐྱེ་སྟེ། འདི་ལ་ཐེ་ཚོམ་མམ། སོམ་ཉིའམ། ཡིད་གཉིས་མ་ཟ་ཞིག།
13b7 འཕགས་པ་སྤྱན་རས་གཟིགས་དབང་ཕྱུག་གི་གཟུངས་རྫོགས་སོ།། །། སངས་རྒྱས་ལ་ཕྱག་འཚལ་ལོ།། ཆོས་ལ་ཕྱག་འཚལ་ལོ།། དགེ་འདུན་ལ
iiif viewer powered by OpenSeadragon
