| e-texts navigator |
| Wylie |
94b1 ཨོཾ་ནཱནྡྲ་བ་ལོ་ཀི་ཏེ་ས་མནྟ། སྥ་ར་ཎ་རཱ་ཤྲཱིབྷཱ་བསམ་ཡ། མ་ཧཱ་མ་ཎི་དྷ་རུ་དུ་རུ། ཧྲྀད་མ་ཛ་ལ་ནི་དྷུ། འབབ་ཆུའམ་མཚོའི་འགྲམ་དུ་འདུག་སྦྲེ་ལག་པ་གཡས་པའི་ཁྱོར་བར་ཆུ་ཐུགས་ལ། ཡེ་ཤེས་སྐར་མངའི
94b2 སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུ་འམ་ཆུར་གཏོར་ན། སངས་རྒྱས་ཀྱི་སྤྱན་གྱིས་གཟིགས་པའི་ཡི་དགས་ཇི་སྙེད་ཡོད་པ་དེ་དག་ཐམས་ཅད་ལྷའི་ཁ་ཟས་ཀྱི་རོ་དང་བཏུང་བའི་རོ་མཆོག་དང་ལྡན་པ་འཐོབ་ཅིང
94b3 ཡིདགས་རེ་རེའང་ཁ་ཟས་དང་བཏུང་བ་ཡུལ་མ་ག་དྷའི་ལྔ་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང་། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར་ཅིང་། བདེ་འགྲོ་མཐོ་རིས་ཀྱི་གནས་སུ
94b4 སྐྱེ་བར་འགྱུར་རོ། ། སྐྱེས་པའམ། བུད་མེད་དམ། ཁྱེའུ་འམ། བུ་མོ་འམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པ་ཡི་དགས་སམ། བྱའམ། ཆུལ་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག
94b5 ཐམས་ཅད་སྡིག་པ་དང་སྒྲིབ་པ་ཐམས་ཅད་བྱང་ཞིང་བདེ་འགྲོའི་ལམ་དུ་འགྲོ་བར་འགྱུར་རོ། ། ཡེ་ཤེས་སྐར་མདོའི་སྙིང་པོའོ།། ། རྒྱ་གར་སྐད་དུ། པྲཛྙཱ་བརྡྷ་ནིཿ
94b6 མདྷཱ་ར་ཎི། བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ཐམས་ཅད་མཁྱེན་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་བྱང་ཆུབ་སེམས་དཔའ་བློ་ལྡན་ནས
94b7 བྱ་བ་རི་རབ་ཀྱི་ངོས་ལ་བཞུགས་ཏེ། རི་རབ་ལ་གནས་པའི་ལྷའི་བུ་ཐམས་ཅད་ཀྱིས་བསྐོར་ནས་མདུན་དུ་བྱས་ཏེ་ཆོས་སྟོན་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་གཞོན་ནུ་གཟུགས་ཅན་གྱིས་ཐལ་།
iiif viewer powered by OpenSeadragon
