| e-texts navigator |
| Wylie |
31b1 སྟོ་ཉིད་ལས་བྱང་རྒྱལ་བའི་སྐུ།། ཆོས་དབྱིངས་བདག་ཉིད་ལ་བཞུགས་ནས།། སྤྲུལ་འདིས་སྲིད་པའི་ཁམས་སྦྱོང་མཛད།། མཁའ་ལྟར་དྲི་མེད་སྤྲོས་བྲལ་བས།། དུས་གསུམ་སངས་རྒྱས་ཐམས་ཅད་འབྱུང་།། སྤྲོས
31b2 མེད་ནམ་མཁའི་རང་བཞིན་ལ། ། ཐ་སྙད་ཙམ་དུ་གསང་སྔགས་ཞེས།། བརྗོད་ཀྱང་ངག་གི་སྤྱོད་ཡུལ་འདས།། སྐྱོབ་པས་ཐ་སྙད་རྟོགས་ཕྱིར་གསུངས།། སེམས་མེད་རང་བཞིན་སྟོང་པ་ཉིད།། སྐུ་འདྲ
31b3 ཡིད་ཀྱིས་སྒོམ་པ་ཡིན། ། དངོས་མེད་མཉམ་མཛེས་འདོད་དོན་ནམས།། གསང་སྔགས་མགོན་འོངས་བརྗོད་པས་སྤོལ།། མུ་སྟེགས་བདག་དང་སྲོག་གང་ཟག། གཙོ་བོ་སྐྱེས་བུ་ཁྱབ་གནས་པས།། འཁོར་བ་རྟག་རྟོག
31b4 ང་རྒྱལ་རྨོངས། ། ལོག་པའི་ཞབས་བཅིངས་སྡུག་བསྔལ་སྐྱེད།། བདག་མེད་སྲོག་མེད་སེམས་ཅན་མེད།། བྱེད་པོ་མེད་ཅིང་གཙོ་བོ་མེད།། ཁྱབ་གནས་མེད་ཅིང་དངོས་པོ་མེད།། རྫས་ལ་སོགས་པའི་རང་བཞིན
31b5 མེད། ། ལོག་རྟོག་སྲིད་འཆིང་ཞབས་གཅད་ཕྱིར།། དངོས་མེད་སྣ་ཚོགས་གཟུགས་བསྒོམས་པས།། དངོས་གྲོལ་སྟོང་ཉིད་གོ་འཕང་འཐོབ།། ཕྱི་ནང་ཁྱད་པར་གོམས་པའོ།། ལྦུ་བ་ཆུ་བུར་སྒྱུ་འདྲར་སྒོམ།།
31b6 སྟོང་ཉིད་ལས་ལྡང་ཏིང་འཛིན་གྱིས།། རྣམ་རྟོག་སྡིག་བཅིང་ས་ལས་གྲོལ་ནས།། འཆི་མེད་ཡེ་ཤེས་གོ་འཕང་ཐོབ།། ཕུང་པོ་ཁམས་དང་སྐྱེ་མཆེད་མེད།། ཀུན་གཞི་མེད་དེ་གང་ཟག་མེད།།
31b7 གཟུང་འཛིན་མེད་དེ་བཅིངས་མེད་པ།། རྒྱལ་བ་རྣམས་ཀྱིས་རྟག་ཏུ་བཤད།། ཀུན་མེད་ཀུན་བྲལ་ཀུན་སྤངས་པའི།། སྟོང་ཉིད་བྱང་སེམས་སྒྱུ་འདྲ་བར།། བག་ཡོད་པས་ནི་རྟག་བསྒོམས་ན།།
iiif viewer powered by OpenSeadragon
