| e-texts navigator |
| Wylie |
31a1 ལུས་འདི་མཁའ་ལ་ཆེར་སོང་ནས།། རྒྱལ་བའི་ཞིང་ཁམས་ཐམས་ཅད་དུ།། རྒྱལ་བ་དམ་ཆོས་མཉན་ནས་ཀྱང་།། རྒྱལ་སྲས་ཀུན་ལ་བཤད་པ་དང་།། སྐད་ཅིག་མཁྱེན་པའི་ཤེས་པས
31a2 ཀྱང་། ། ཤེས་བྱ་མ་ལུས་ཕྱོགས་ཁྱབ་པ།། ལུས་ངག་ཡིད་ལ་གནས་པའོ།། སེམས་དང་ཡིད་ནི་འདྲེས་པའི་ཚེ།། ཡེ་ཤེས་བདེ་བར་ཤར་བ་ནི།། དུས་གསུམ་སངས་རྒྱས་ཐམས་ཅད་ཀྱིས།། དབྱེར་མེད་ཚུལ
31a3 དུ་སྐྱོབ་ཅེས་གསུངས། ། འཕགས་པ་ཁྲོ་བོའི་རྒྱལ་པོའི་རྟོགས་པ་བསྡུས་པའི་རྒྱུད་ལས།། ལྷག་པར་གནས་པའི་དོན་ཡོངས་སུ་བཀོད་པའི་ལེའུ་སྟེ་དང་པོའོ།། །། ཞི་བས་བཏུལ་དཀའ་བགེགས།
31a4 ཆེན་དང་།། ལོག་འདྲེན་དེ་རྣམས་འདུལ་བའི་ཕྱིར།། སེམས་ཀྱི་བྱེ་བྲག་ཐུགས་ཆུད་ནས།། དེ་དང་གཟུགས་འཇལ་གཞོམ་པའི་ཕྱིར།། རྟོག་མེད་ནམ་མཁའི་ལམ་གནས་ཏེ།། རྫོགས་སངས་གདུལ་དཀའ་འདུལ
31a5 མཛད་སྐུ། ། རབ་འཕགས་ཁྲོ་བོ་སྟོབས་ཆེན་དཔལ།། སངས་རྒྱས་ཀུན་གྱི་སྲས་ཀྱི་སྲས།། མི་གཡོའི་མཚན་གྲགས་དེ་ལ་འདིར།། རྒྱལ་དང་རྒྱལ་སྲས་རྟག་ཕྱག་འཚལ།། ཚངས་སོགས་ལྷ་དང་ལུས་ཅན་ཀུན།
31a6 དེ་ལ་རྟག་ཏུ་མཆོད་པར་བྱེད།། རྒྱལ་བས་བྱས་གཟོ་རྒྱལ་སྲས་ཀྱི།། སྨོན་རྫོགས་བསམ་གྱིས་མི་ཁྱབ་པའི།། ཡེ་ཤེས་རྫོགས་ནས་མི་གཡོའི་ས།། ཐོབ་པས་མི་གཡོ་བ་ཞེས་བྱ།། ཕས་ཀྱི་རྒོལ་འཇོམས་དཔའ་བོ་སྟེ།
31a7 ཚར་གཅོད་པ་ནི་ཁྲོ་བོ་ཡིན།། སྔགས་ཀྱི་བདེན་ཚིག་མི་སླུ་བས།། ཉན་ཐོས་བདུད་ཚོགས་ཀྱིས་མི་གཡོ།། རྟོག་མེད་བདུད་རྩི་ཁྲོ་བས་རྒྱལ།། རྫུ་འཕྲུལ་བསྐྱོད་མེད་མི་གཡོ་བ།། དེ་བཞིན་ཉིད་ཀྱི་སྙིང་པོ་མཆོག།
iiif viewer powered by OpenSeadragon
