| e-texts navigator |
| Wylie |
312b1 ཚངས་པ་དུང་ལ་སོགས་པ་ཚངས་རིག་ཀྱི་ལྷའི་བུ་དུ་མ་དང་། ལྷའི་བུས་འཚོ་ལ་སོགས་པ་ལྷའི་བུ་དུ་མ་དང་། རྒྱལ་པོ་ཆེན་པོ་བཞི་འཕགས་སྐྱེས་པོ་ལ་སོགས་པ་དུ་མ་དང་། ལྷ་དང་། ཀླུ་དང
312b2 གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་དུ་མ་དང་། ཀླུའི་རྒྱལ་པོ་ནུས་པའི་དྲ་བ་ལ་སོགས་པ་ཀླུ
312b3 རྒྱལ་པོ་དུ་མ་དང་། ལྷའི་བུ་མོ་གཞོན་ནུའི་མིག་ལ་སོགས་པ་འདོད་པ་ན་སྤྱོད་པའི་ལྷ་དུམ་དང་། དགོན་པའི་ལྷ་དུ་མ་དང་ཡང་ཐབས་ཅིག་གོ།། འབབ་ཆུ་དང་། མཚོ་དང་། མཚོ་བྲན་དང་། ཁྲོན་པདང
312b4 ཆུ་ཀླུང་དང་། ཆུ་ཀླུང་ཆེན་པོ་དང་། སྨན་དང་། རྩཝ་དང་། ཤིང་གལ་བ་དང་། ནགས་ཚལ་དང་། ནགས་ཁྲོད་དང་། གཙུག་ལག་ཁང་དང་། ཁྱིམ་དང་། ཆུ་དང་། མེ་དང
312b5 རྡུལ་གྱི་རི་དང་། ས་དང་། རྒྱལ་པོའི་ཁབ་དང་། མཆོད་རྟེན་དང་། དྲི་གཙང་ཁང་ལ་སོགས་པ་ན་གནས་པའི་ལྷ་ཐམས་ཅད་ཀྱང་དེར་འདུས་སོ།། དེ་ནས་བྱང་ཆུབ་སེམས་དཔའ་འཕགས་པ་སྤྱན
312b6 རས་གཟིགས་དབང་ཕྱུག་འཁོར་ཆེན་པོ་དེའི་ནང་ན་འདུག་པས། རྫུ་འཕྲུལ་མངོན་པར་ཤེས་པའི་འོད་ཟེར་རྣམས་ཀྱིས་མཚོར་བར་ཕྱོགས་བཅུའི་སངས་རྒྱས་ཀྱི་ཞིང་རྣམས་ཁྱབ་པར་སྣང་བར་བྱས་ཤིང
312b7 སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའང་གསེར་གྱི་ཁ་དོག་ལྟ་བུར་བྱས་སོ། ། ལྷ་དང་། ཀླུ་ཐམས་ཅད་དང་། ལྷ་མཆོག་ཐམས་ཅད་ཀྱི་ཁང་པ་དག་ཀྱང་ཁྲོལ་ཞེས་གཡོས་སོ།།
iiif viewer powered by OpenSeadragon
