| e-texts navigator |
| Wylie |
187b1 དང་འཐབ་ཚེ་རྒྱལ་བར་བྱེད། ། བུད་མེད་ནང་ན་མཆོག་ཡིན་ཏེ།། ཚིག་དབང་འཇིག་རྟེན་མགོན་པོ་འདྲ།། རྒྱལ་པོའི་ཁབ་ན་པདྨ་འདྲ།། ཞལ་བཟང་ཟླ་བ་ཉ་བ་འདྲ།། ཆུ་ལ་རྒལ་ན་ཀླུ་ཟམ་འདྲ།། འཕོངས་པོ་རྣམས་ཀྱི
187b2 གེཉེན་པ་ཤེས་འདྲ། ། ལྷ་དང་ལྷ་མིན་གཡུལ་བབྱེད་ཚེ།། ལྷ་མོ་ཁྱོད་ཀྱི་སྡེ་བ་ལ།། ལྷ་རྣམས་ཀུན་གྱི་རྫོང་བཅས་ནས།། ལྷ་དམག་དཀར་པོ་རྒྱལ་བར་བྱས།། ལྷ་མ་ཡིན་རྣམས་ཕམ་པར་བྱེད།། ལག་ན་མདུང་དམར་ཆེམས
187b3 སེ་ཆེམ། ། རུ་མཚོན་བ་དན་མེ་ལྟར་འབར།། དགྲ་འདུལ་གཡུལ་བཟློག་ཁྱེད་ལ་བསྟོད།། ། དེ་ནས་དྲང་སྲོང་ཆེན་པོ་ཀོའུ་དི་ནྱས། དཔལ་ལྷ་མོ་ལ་དཔེ་བྱད་ཀྱི་སྒོ་ནས་བསྟོད་པ། འཇིག་རྟེན་གཙོ་ལ
187b4 རྟག་ཏུ་གུས་ཕྱག་འཚལ། ། མ་རྣམས་ནང་ན་ཁྱོད་ནི་རྟག་ཏུ་མཆོག་ཡིན་ཏེ།། འཇིག་རྟེན་གསུམ་པོ་ཐམས་ཅད་ཁྱོད་ལ་བསྟོད།། བྱད་བཞིན་སྡུག་མཛེས་ཀུན་གྱིས་བལྟ་བར་མོས།། ཡོན་ཏན་རྣམ་པ་སྣ་ཚོགས་ལུས་རབ
187b5 བརྒྱན། ། མིག་ཡངས་འདམ་སྐྱེས་སྔོན་པོའི་འདབ་མ་འདྲ།། བསོད་ནམས་ཡེ་ཤེས་སྣང་བ་གྲགས་པས་བརྒྱན།། དཔེར་ན་རིན་ཐང་མེད་པའི་ནོར་བུ་འདྲ།། དང་བདག་པདྨོ་ཁྱོད་ལ་བསྔགས་པས་ཀྱང་།། སེམས་ལ
187b6 བསམས་པ་ཐམས་ཅད་འགྲུབ་པར་འགྱུར། ། ཡང་དག་ཡེ་ཤེས་གྱ་ནོམ་བཀྲ་ཤིས་པ།། པདྨ་ལྟ་བུར་ཤིན་ཏུ་རྣམ་པར་དག། ལུས་མདོག་རབ་མཛེས་ཀུན་གྱིས་བལྟ་བར་མོས།། མཚན་མ་ཡོན་ཏན་རྣམ་པ་སྣ་ཚོགས་བརྒྱན།།
187b7 དྲི་མེད་ཡེ་ཤེས་ཀུན་ནས་རབ་མཛེས་པ།། དྲན་པ་རྣམས་ཀྱི་ནང་ནས་མཆོག་ཏུ་གྱུར།། ཇི་ལྟར་སེང་གེ་གཅན་གཟན་མཆོག་གྱུར་བཞིན།། སྔགས་བསྟོད་ཚིག་ནི་འདི་ལས་འབྱུང་བ་ཡིན།། བསམ་པའི་དངོས་པོ་ཐམས་ཅད
iiif viewer powered by OpenSeadragon
