| e-texts navigator |
| Wylie |
186b1 བསྐུམ་ཆེ། ། ནུབ་ཚོས་ཆེ་ལ་ཀླུ་དབང་གཤིབས་པའི་སྐ་རགས་བཅིངས་ཤིང་ལག་ན་མདུང་དང་ནི།། བ་དན་ཐོགས་ཤིང་ཁྲག་གི་ཆང་གིས་ར་རོ་མྱོས་ཏེ་མིག་རྩ་དམར་པོར་བྱས།། མཚན་མོ་དུར་ཁྲོད་རྒྱུ་བའི་ལྷ་མོ་ཁྱོད་ནི་འབྱུང
186b2 པོ་ཕལ་ཆེན་ཀུན་གྱིས་མཐོང་། ། རྐང་པའི་གོས་ནི་ཀཽ་རློན་མཚན་པས་དྲངས་པས་སྣམས་ཀྱི་ཕྱེད་ནི་རེ་ལྡེས་དཀྲིས།། མི་ཡི་རྒྱུ་མ་གསར་པས་ཞལ་གྱི་ཟླ་བ་བརྒྱན་ཅིང་ཁྲག་ཞག་ཚོམ་བུས་ཐིག་ལེར་བརྒྱན།། མི་ཤ་སོ་སར
186b3 ཆེ་མ་ཆེ་མ་ཟ་ཡིན་མི་རོའི་ཅོད་པན་མགོ་ལ་བརྒྱན་པ་སྟེ། ། བདག་ལ་སྐྱོབ་པའི་དྲག་མོ་མི་ཤ་ཐོགས་ཁྱོད་སྔ་ནས་མ་མཐོང་གཟོད་མཐོང་ན།། བདུད་དང་སྲིན་མོ་མ་མོ་རྣམས་ཀྱང་མིག་རྩ་རིག་རིག་སྔངས་ཤིང་ཁྱོད་ལ་འདུད།།
186b4 ལྷ་མོ་བཟང་མོ་ལུས་མདོག་གནག་ཅིང་བཟོད་པར་དཀའ་བ་ཁྱོད་ལ་ནི།། བརྒྱ་བྱིན་སོགས་ཀྱིས་བསྟོད་པ་བྱེད་པའི་གཤིན་རྗེའི་རྒྱལ་པོ་ཉིད་ཀྱང་རྟག་ཏུ་འདུད།། ལྷ་རྣམས་དང་ནི་འགྲོ་བ་མ་ལུས་པ་རྣམས་འཇུག་ཕྱིར
186b5 རབ་བརྟུལ་བས་ན་རྣ་བ་ཡ་གཅིག་ལ། ། བྲང་གིས་འགྲོ་བ་སྦྲུལ་མགོ་གདེངས་ཀ་སྟོང་དང་ལྡན་ཞིང་ཕུད་སྒྲོགས་གཅིག་གིས་བརྒྱན་ནས་རྒྱན་དུ་བྱས།། ཡ་གཅིག་ལ་ནི་སེང་གེ་མཚུངས་མེད་ཐོགས་ཤིང་རྒྱ་མཚོ་བསྐོར
186b6 ཞིང་ས་གཞི་གནོན་པའི་སྟེང་གི་ནི། ། ཕྱོགས་ནས་རྒྱུ་བའི་ཉི་མ་ཟླ་བ་ལྷ་མོ་ཁྱོད་ཀྱི་རྐེད་ནས་འཆར་ཞིང་སྲིད་གསུམ་ཟིལ་གྱིས་གནོན།། རྒྱ་མཚོ་གློང་ནས་མེ་འབར་ཆུ་རྣམས་སྐེམས་པར་བྱེད་པར་ནུས་པའི་བུད་མེད་ཐམས
186b7 ཅད་ཞི་མཛད་མ། ། ལྷ་ཆེན་སྐུ་དང་འཚམ་པར་བཞུགས་པའི་དཀའ་བཟློག་ནག་མོ་མི་ནད་ཕྱུགས་ནད་ཀུན་ལ་འཇིགས་པ་མེད།། མ་ཅིག་དཔལ་ལྡན་ལྷ་མོ་ཁྱོད་ཉིད་ལ་ནི་བདག་ནི་གུས་པར་ཕྱག་འཚལ་མཆོད་ཅིང་བསྟོད་པར
iiif viewer powered by OpenSeadragon
