| e-texts navigator |
| Wylie |
185b1 པའི་རུ་ཏྲ་སྒྲོལ་བའི་རྟགས། ། རྣོག་དུག་མཆེ་བ་ཟུར་གསུམ་གཙིགས་པ་ནི།། བསྒྲལ་བའི་ཞིང་བཅུས་པ་སྒྲོལ་བའི་རྟགས།། སྐུལ་ཞིང་སྤགས་གཡང་གཞི་གསོལ་བ་ནི།
185b2 ཡང་དག་ཆོས་དང་དོན་དམ་ལྡན་པའི་རྟགས།། གླང་ཆེན་ཀོ་རློན་སྣམས་ཕྱེད་དཀྲིས་པ་ནི།། ཐེག་པ་མཆོག་གི་དོན་དང་ལྡན་པའི་རྟགས།། རེ་ལྡེ་ནག་པོས་སྣམས་ཕྱེད་དཀྲིས་པ་ནི།། འཇིག་རྟེན་འདི་ན་ཆེ་བཙན
185b3 ལྡན་པའི་རྟགས། ། ལྟེ་བའི་ཁུང་ནས་ཉི་མ་འཆར་བ་ནི།། སྡུག་བསྔལ་རྒྱ་མཚོ་གཏིང་ནས་སྐེམས་པའི་རྟགས།། སྤྱི་བོའི་གཙུག་ནས་ཟླ་བ་འཆར་བ་ནི།། དུག་གསུམ་མ་རིག་མུན་པ་སེལ་བའི་རྟགས།། ཞབས་ལ་དབང
185b4 གི་ལྕགས་སྒྲོག་འཁྲིལ་བ་ནི། ། ཐབས་དང་ཤེས་རབ་ཟུང་དུ་འབྲེལ་བའི་རྟགས།། ཕྱག་གཡས་ཤང་ལང་ནག་པོ་བསྣམས་པ་ནི།། སྡུག་བསྔལ་སྐྱེ་ཤི་རྩད་ནས་གཅོད་པའི་རྟགས།། ཕྱག་གཡོན་ཐོད་རློན་དམར་ཆེན
185b5 འཐུང་བ་ནི། ། འཁོར་བའི་སྡུག་བསྔལ་ཁྲག་ལྟར་འཐུང་བའི་རྟགས།། བོང་བུ་གཱ་པ་ཕྱིན་ཕྱོགས་ཞོན་པ་ནི།། ལོག་པར་ལྟ་བའི་སེམས་ཅན་སྒྲོལ་བའི་རྟགས།། སྲིན་པོའི་ཨོག་མས་སྔ་རུ་བྱས་པ་ནི།། སྲིན་ཡུལ་ལང་ཀ
185b6 བུ་རངས་འདུལ་བའི་རྟགས། ། སྦྲུལ་ནག་ཆུན་པོས་གོང་རྨེད་བྱས་པ་ནི།། ཞེ་སྡང་དབང་གིས་དགྲ་བགེགས་འཇོམས་པའི་རྟགས།། རུས་སྦལ་ནག་པོའི་ཕོབ་བུ་བཏང་བ་ནི།། ཀླུ་བདུད་ནག་པོ་དམ་ལ་བཏགས་པའི
185b7 རྟགས། ། སྔ་ཤ་གཡས་པ་བདུད་ཀྱི་ཁྲམ་བམ་ནི།། དམ་ཚིག་ཉམས་པ་ཁྲམ་ལ་འདེབས་པའི་རྟགས།། ཕྱི་ཤར་ནད་ཀྱི་རྒྱལ་བ་བཏགས་པ་ནི།། བསྟན་པ་འདི་ལ་གནོད་པའི་དགྲ་བོ་ལ།། ནད་ཀ་འབེབས་ཤིང
iiif viewer powered by OpenSeadragon
