| e-texts navigator |
| Wylie |
185a1 རྗེས་སུ་ཡི་རངས་བསྐུལ་ཞིང་གསོལ་བཏབ་ནས།། དགེ་བ་འདི་ཡིས་ངན་སོང་སྟོངས་གྱུར་ཏེ།། ཐམས་ཅད་ཚོགས་རྫོགས་བྱང་ཆུབ་ཆེན་པོར་བསྔོ།། དེ་ནས་དཔལ
185a2 ལྡན་བྷ་མོ་ནག་མོ་ལ། ནམ་མཁའི་ལྷ་བྲན་རྣམས་ཀྱིས་བསྟོད་པ། བསྐལ་པ་མེ་ལྟར་བ་བ་ར་བའི་གློང་དཀྱིལ་ན།། རླུང་ནག་དགུ་པའི་གློང་འཁྱིལ་ཕོ་བྲང་ནས།། མ་ཅིག་འདོད་པའི་ཁམས་ཀྱི་དབང་ཕྱུག་མ།། བདུད་ཀྱི
185a3 ཡུམ་པ་གཤིན་རྗེའི་ལྕམ་གཅིག་མ། ། དཔལ་ལྡན་ལྷ་མོ་རེ་མ་ཏི།། ནག་མོ་ཟ་བྱེད་རྔམ་པའི་མཆེ་བ་ཅན།། མཐིང་ནག་གཅེར་བུ་ཁྲག་གི་རལ་པ་ཅན།། ཁྱོད་ཀྱི་སྐུ་མདོག་ནག་མོར་བཞུགས་པ་ནི།། དོན་དམ་དབྱིངས
185a4 ཀྱི་སྤྱོད་པ་མེད་པའི་རྟགས། ། དབུ་སྒྲ་གཡས་ནས་གཡོན་དུ་འཁྱིལ་བ་ནི།། ཡུལ་གྱི་མཁའ་ལ་སྤྲུལ་པ་འགྱེད་པའི་རྟགས།། དབུ་གཙུག་རལ་པ་གཅིག་ཏུ་འཁྱིལ་བ་ནི།། དོན་དམ་དགོངས་སྤྱོད་གཅིག་ཏུ་མཛད་པའི
185a5 རྟགས། ། རལ་པའི་གསེ་བ་ནས་མེ་སྟག་འཕྲོ་བ་ནི།། ཐུགས་ཀྱི་སྤྲུལ་པ་ཕྱོགས་བཅུར་འགྱེད་པའི་རྟགས།། དབུ་ལ་ཐོད་རློན་འཕྲེང་བ་བཅིངས་པ་ནི།། ཐུགས་རྗེའི་སྦྲུལ་སྐུས་འགྲོ་དོན་མཛད་པའི་རྟགས།། གཡྻ
185a6 ན་སེང་གེ་བགྱིང་ཞིང་མཆོད་པ་ནི། ། སྨན་མོ་ཐམས་ཅད་ཟིལ་གྱིས་གནོན་པའི་རྟགས།། གཡོན་ན་སྦྲུལ་མགོའི་གདེངས་ཀ་འཕྱར་བ་ནི།། ཞེ་སྡར་མ་སྤངས་དབྱིངས་སུ་དག་པའི་རྟགས།། སྙུན་ཆ་གསེར་གྱི་དྲིལ་བུ་འཁྲོལ་བ
185a7 ། ། སངས་རྒྱས་ཀུན་ལ་བསྙེན་སྒྲུབ་བྱེད་པའི་རྟགས།། སྤྱན་རྩ་དམར་ལ་སྡང་མིག་བགྲད་པ་ནི།། སྲིད་གསུམ་རྣལ་འབྱོར་དམ་ཚིག་གཟིགས་པའི་རྟགས།། ཞལ་གྱི་དྲག་པོ་ཧོམ་ཁུང་གདེངས་པ་ནི།། བསྟན་པ་འཇིག
iiif viewer powered by OpenSeadragon
