| e-texts navigator |
| Wylie |
183b1 གྲུལ་བུམ་གྱི་རྒྱལ་པོ་སྦྲུལ་མགོ་དགུ་པས། ། དཔལ་ལྷ་མོ་ལ་སྐུ་གསུང་ཐུགས་ཀྱི་སྒོ་ནས་བསྟོད་པ། དོམ་དམ་གཉིས་མེད་བྱང་ཆུབ་སེམས་ཡིན་ཡང་།། སྲིད་གསུམ་གདུལ་ཕྱིར་རྟགས་ཀྱི་ཕྱག་རྒྱ་ནི།། རང་སེམས་རྣམ་དག
183b2 དྲག་པོའི་གཞལ་ཡས་ཁང་། ། རཀྟ་ཁྲག་གི་རྒྱ་མཚོ་འཁྱིལ་པ་ལས།། ཀེང་རུས་ཐོད་འཕྲེང་ཞིང་གི་རྒྱན་དང་ལྡན།། སྐུ་མདོག་གནག་ལ་རབ་འཇིགས་ཁྲོ་མོ་རྒྱལ།། སྔོན་མོ་རལ་པ་འཛིངས་པའི་སྤྲུལ་འགྱེད་པ།། སྐུ་ཡི་སྤྲུལ
183b3 བ་དཔལ་ལྡན་ན་མ་ཊི། ། གྲུ་གསུམ་སེར་ནག་ཞལ་གྱི་དབྱིངས་སུ་བཞེངས།། ཡོན་ཏན་རྒྱས་མཛད་སེར་མོ་མཁའ་ལ་བཞད།། འཕྲིན་ལས་རྒྱས་པ་ཐམས་ཅད་ཉེ་བར་མཛོད།། གསུང་གི་སྤྲུལ་པ་དཔལ་ལྡན་རེ་མ་ཏོ།།
183b4 གྲུ་གསུམ་དམར་ནག་ཞལ་གྱི་དབྱིངས་ནས་བཞེངས།། དམར་མོ་ཆེན་མོ་དམར་ཆེན་གཏུམ་མ་སྟེ།། དབང་གི་འཕྲིན་ལས་ཐམས་ཅད་གྲུབ་པར་མཛོད།། སྐུ་གསུང་ཐུགས་ལྡན་སྤྲུལ་པ་རྒྱ་མཚོ་མ།། དྲག་པོ་འཇོམས
183b5 མཛད་བདུད་དཔུང་ཟིལ་གྱིས་གནོན། ། འགྲོ་དྲུག་སྒྲོལ་མཛད་སེམས་ཅན་ཀུན་གྱི་མ།། བསྟན་པ་རྒྱས་མཛད་མ་ལ་ཕྱག་འཚལ་བསྟོད།། བདག་གི་ལུས་ངག་ཡིད་གསུམ་བྱིན་གྱིས་རློབས།། ། དེ
183b6 ནས་དཔལ་ལྷ་མོ་ལ། ལྷ་མ་ཡིན་གྱི་རྒྱལ་པོ་ཐག་བཟངས་རིས་ཀྱིས་དོན་དམ་པའི་སྒོ་ནས་བསྟོད་པ། སྤྲོས་བྲལ་འོད་གསལ་ཡང་དག་ཞི་བའི་ངང་།། ཐུགས་ཀྱི་ཐུགས་མཆོག་རྣམ་དག་བདེན་པའི་ཡུམ།། གདོད་ནས་གཉིས་མེད
183b7 ནམ་མཁའི་སྙིང་པོ་ནི། ། དཔལ་ལྡན་ཁྱོད་ཀྱི་རང་བཞིན་ཁྱད་པར་གསལ།། འདི་ལྟར་རྣམ་དག་བརྗོད་མེད་ངོ་བོ་ལ།། བྱིས་པ་རྣམས་ཀྱི་བསྟོད་པ་བྱེད་པ་ལྷུང་།། བླུན་པོ་རྣམས་ཀྱིས་དངོས་པོར་རབ་བརྟགས་ནས།། གཟུགས
iiif viewer powered by OpenSeadragon
