| e-texts navigator |
| Wylie |
167a1 མའི་སྔགས་དེ་སྐད་དུ་སྨྲ་བཅད་བྱས་ལ་བཟླས་པ་བྱའོ། ། ཇི་སྙེད་དུ་སྔོ་ལ་བལྟས་ན་གཉིས་འགྱུར་དུ་འགྲོ་བར་འགྱུར་རོ།། དེ་སྙེད་འདས་པ་བྱའོ།། དེ་ནས་འབྲུའི་ལྷག་མ་དེ་མི་འཇལ་བར་འཆིང
167a2 པའི་མི་ལ་སོགས་པ་བོས་ཤིང་སྦྱིན་པ་འམ། དགེ་འདུན་ལ་སྦྱིན་པར་བྱའོ།། གཡུལ་འཆག་པའི་ཆོ་གའོ།། ད་ནི་འབྲུ་བང་མཛོད་དུ་འཇུག་པའི་ཆོ་ག་བཤད་པར་བྱ་སྟེ། དང་པོ་རེ་ཞིག་མཛོད་ཀྱི་སྒོ་གཡས་གཡོན་དུ་འབྱུང་པོ
167a3 གཉིས་གཅེར་བུ་གསུས་པ་འཕྱང་བ། དབང་པོ་འཕྱང་བ། གཡོན་པའི་ལག་ན་འབྲུའི་སྣོད་བཟུང་ཞིང་འབྲུ་སྐྱུག་བཞིན་པ། གསེར་གྱི་མདོག་རྒྱན་ཐམས་ཅད་ཀྱིས་བརྒྱན་པ་གཉིས་བྲི་བར་བྱའོ།། མཛོད་ཀྱི་ཁང་པར་ཡང་དྲི
167a4 དང་། བྱུག་པ་དང་། མཆོད་ཡོན་སྦྱིན་ཞིང་། གདུགས་དང་། རྒྱལ་མཚན་དང་། བ་དན་ལ་སོགས་པས་བཅོམ་ལྡན་འདས་མའི་ཐང་ཀའི་མཛོད་ཀྱི་ནང་དུ་གཞུག་པར་བྱའོ།། དེ་ནས་འོ་མའི་ཆུ་རྒྱུན་གཏོར་བཞིན་པའི་སྔགས་པས
167a5 འགྲོ་བར་བྱ་ཞིང་། དེའི་རྒྱབ་ནས་དེ་ནས་བྲི་བར་ཁྱིམ་དུ་གཞུག་པར་བྱའོ།། དེའི་རྗེས་ལ་འབྲུའི་མཛོད་ཁང་དུ་ཕྱག་རྒྱ་གཞག་པར་བྱའོ།། དེ་ནས་མཛོད་ཀྱི་ཁང་པའི་སྒོ་རུ་དགེ་འདུན་གྱི་སྟོན་མོ་བྱས་ལ་དྲི་དང་། མེ་ཏོག་དང་། བདུག་པ་ལ
167a6 སོགས་པས་མཆོད་དོ། ། ནོར་རྒྱུན་མའི་གཟུངས་རྫོགས་པར་བཀླག་པར་བྱའོ།། གཏོར་མ་རྒྱ་ཆེན་པོ་བྱས་ལ་ཐང་ཀའི་མདུན་དུ་དེ་ནས་སྐྱེས་བུས་འབྲུ་ཕྱིར་འབྱིན་པར་བྱེད་དེ། དེ་ནས་བཅོམ་ལྡན་འདས་མ་དང་འདྲ་བར་བསམས་ལ
167a7 གུར་ཀུམ་གྱིས་གྲོ་ག་ལ་སྔགས་བྲིས་ལ། སྤྱི་བོར་བཅིངས་ལ་ཁ་གོས་ཀྱིས་བཀབ་ལ་ཉི་མ་རེ་རེ་ཞིང་འབྲུ་ཕྱིར་དབྱུང་བར་བྱའོ།། མཛོད་ཁང་གི་སྒོ་རུ་ཉིན་རེ་ནོར་རྒྱུན་མ་ཞེས་བྱ་བའི་གཟུངས་ཀྱི་མདོ་བཀླག་པར་བྱའོ།། སྔགས་པས་བསྒྲུབ
iiif viewer powered by OpenSeadragon
