| e-texts navigator |
| Wylie |
164a1 རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཇི་ལྟར་གཟུང་བར་བགྱི།
164a2 བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་ནི་ཁྱིམ་བདག་ཟླ་བ་བཟང་པོས་ཞུས་པ་ཞེས་བྱ་བར་ཟུང་ཞིག། ནོར་དང་། འབྲུ་དང་། རིན་པོ་ཆེ་ཐམས་ཅད་ཀྱི་གཏེར་ཞེས་བྱ་བར་ཡང་ཟུང་ཞིག། དེ་བཞིན
164a3 གཤེགས་པ་ཐམས་ཅད་ཀྱིས་བསྔགས་པ་ནོར་གྱི་རྒྱུན་གྱི་གཟུངས་ཞེས་བྱ་བར་ཟུང་ཞིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། དགེ་སློང་དེ་དག་དང་། བྱང་ཆུབ
164a4 སེམས་དཔའ་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད
164a5 དོ། ། འཕགས་པ་ནོར་གྱི་རྒྱུན་ཞེས་བྱ་བའི་གཟུངས་རྫོགས་སོ།། དེ་ནས་བཅོམ་ལྡན་འདས་མ་ནོར་རྒྱུན་མའི་རྟོག་པ་བཤད་པར་བྱ་སྟེ། དང་པོ་རེ་ཞིག་དབྱི
164a6 ཟླ་བ་ཆུང་གི་དཀར་པོའི་ཕྱོགས་ཀྱི་ཚེས་གཅིག་ལ་རྒྱ་མཚོར་འབབ་པའི་ཆུ་བོར་སོང་སྟེ། དེ་ནས་ནུ་མའི་བར་དུ་ཆུའི་ནང་དུ་ནུབ་པར་བྱས་ཏེ་འདུག་ལ། ཉི་མ་ལ་སྔོན་དུ་ཕྱོགས་པར་ཡོངས་སུ་བརྟགས་ལ་ཇི་སྙེད་གནས་ཀྱི
164a7 བར་དུ་བཟླས་པ་བྱའོ། ། བཟའ་བ་ཐམས་ཅད་སྤངས་ཏེ་ཉོན་མོངས་ཤིང་སྨྲ་བཅད་བྱས་ཏེ། ནུབ་བདུན་དུ་བཟླས་པར་བྱའོ།། དེ་ནས་བཅོམ་ལྡན་འདས་མའི་ཐང་སྐུའང་དབུ་སྐྲ་མ་གཏོགས་པར་གུར་ཀུམ་དང་ཙན་དན
iiif viewer powered by OpenSeadragon
