| e-texts navigator |
| Wylie |
158b1 ལག་ན་རྡོ་རྗེ་འདི་དག་ནི་གཟའ་དགུའི་གསང་སྔགས་ཀྱི་སྙིང་པོ་བཀླགས་པས་འགྲུབ་པ་ཡིན་ཏེ། ཁ་དོག་དང་མཐུན་པའི་སྤྲོས་ཀྱི་དཀྱིལ་འཁོར་སོར་བཅུ་གཉིས་བྱས་པའི་དབུས་སུ་མཆོད་པར་བྱའོ།། ཁམ་པ་འམ།
158b2 ཟངས་ལ་སོགས་པ་འམ། གསེར་རམ། དངུལ་གྱི་སྣོད་དུ་མཆོད་ཡོན་ཕུལ་བས། རེ་རེ་ལའང་བཟླས་བརྗོད་བརྒྱ་རྩ་བརྒྱད་དོ།། ལག་ན་རྡོ་རྗེ་དེའི་འོག་ཏུ་གཟའ་རྣམས་ཀྱི་ཡུམ་ཞེས་བྱ་བའི་གཟུངས་ཀྱི་གསང་སྔགས་ཀྱི
158b3 ཚིག་ལན་བདུན་བརྗོད་པར་བྱའོ། ། དེས་ནི་གཟའ་ཐམས་ཅད་སྲུང་བར་བྱེད་པར་འགྱུར་རོ།། དབུལ་བའི་གདོན་ཐམས་ཅད་ལས་ཐར་བར་འགྱུར་རོ།། ཚེ་ཟད་པ་ལས་ཚེ་རིང་བར་བྱེད་པར་འགྱུར་རོ།། ལག་ན་རྡོ་རྗེ་དགེ་སློང
158b4 དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། གཞན་ཡང་སེམས་ཅན་གྱི་རིགས་གང་ཡིན་པ་དང་། གང་དག་གི་རྣ་ལམ་དུ་གྲགས་པ་དེ་དག་ཀྱང་དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ།།
158b5 ལག་ན་རྡོ་རྗེ་གཟའ་རྣམས་ཀྱི་དཀྱིལ་འཁོར་གྱི་དབུས་སུ་མཆོད་པ་བྱས་ཏེ། ཉིན་གཅིག་བཞིན་དུ་ཀློག་པར་བྱེད་པའི་ཆོས་སྨྲ་བ་གང་ཡིན་པ་དེ་ལ་གཟའ་ཐམས་ཅད་བདག་ཉིད་ཀུན་གྱི་བསམ་པ་ཐམས་ཅད་ཡོངས་སུ་རྫོགས་པར
158b6 འགྱུར་རོ། ། དེ་དང་རིགས་གཅིག་པ་རྣམས་ཀྱི་དབུལ་བའང་སེལ་བར་བྱེད་དོ།། དེ་ནས་དེ་བཞིན་གཤེགས་པ་ཤཱཀྱ་ཐུབ་པས་གཟའ་ཐམས་ཅད་ཀྱི་ཡུམ་ཞེས་བྱ་བའི་གཟུངས་བཀའ་སྩལ་པ། སངས་རྒྱས་ལ་ཕྱག་འཚལ་ལོ།།
158b7 རྡོ་རྗེ་འཆང་ལ་ཕྱག་འཚལ་ལོ།། པདྨ་འཆང་ལ་ཕྱག་འཚལ་ལོ།། བསམ་པ་ཐམས་ཅད་ཡོངས་སུ་རྫོགས་པའི་གཟའ་རྣམས་ལ་ཕྱག་འཚལ་ལོ།། རྒྱུ་སྐར་རྣམས་ལ་ཕྱག་འཚལ་ལོ།། གཟའི་ཁྱིམ་བཅུ་གཉིས་རྣམས་ལ་ཕྱག
iiif viewer powered by OpenSeadragon
