| e-texts navigator |
| Wylie |
207a1 ཅན་རྣམས་ཀྱི་དོན་དང་། ཕན་པ་དང་། བདེ་བའི་ཕྱིར་གཟུངས་ཀྱི་ཕྱག་རྒྱ་དང་གསང་སྔགས་འདི་དག་ཁྱོད་ལ་གཏད་དོ།། དེའི་ཕྱིར་ལྷའི་དབང་པོ་ཁྱོད་ཀྱིས་གཟུང་བར་བྱའོ།།
207a2 ལྷའི་དབང་པོ་གཟུངས་འདི་ཐོས་མ་ཐག་ཏུ་བསྐལ་པ་བརྒྱ་སྟོང་དུ་བསགས་པའི་ལས་ཀྱི་སྒྲིབ་པ་ཡོངས་སུ་བྱང་བར་འགྱུར་རོ།། སྐྱེ་བར་སྐྱེ་བ་རྣམ་པ་སྣ་ཚོགས་སེམས་ཅན་དམྱལ་བ་དང་། དུད་འགྲོའི་སྐྱེ་གནས
207a3 དང་གཤིན་རྗེའི་འཇིག་རྟེན་དང་། ཡི་དགས་ཀྱི་ཡུལ་དང་། ལྷ་མ་ཡིན་གྱི་རིས་དང་། འདི་ལྟ་སྟེ། གནོད་སྦྱིན་དང་། སྲིན་པོ་དང་། འབྱུང་པོ་དང་། ཤ་ཟ་དང་། སྲུལ་པོ་དང་། ལུས་སྲུལ་པོ
207a4 དང་། བརྗེད་བྱེད་དང་། ཁྱི་དང་། རུས་སྦལ་དང་། སྦྲུལ་དང་། གཅན་གཟན་ཁྲོ་བོ་དང་། བྱ་དང་། སྦྲང་བུ་དང་། སྦྲང་མ་དང་། སྡིག་སྦྲུལ་དང་། གྲོག་སྦུར་ལ་སོགས་པའི་སྲོག་ཆགས
207a5 ཀྱི་རིགས་སུ་ཕྱིས་མི་སྐྱེ་བར་ཤེས་པར་བྱའོ། ། གཞན་དུ་ན་དེ་བཞིན་གཤེགས་པ་དང་ཕྲད་པ་དང་། བྱང་ཆུབ་སེམས་དཔའི་རིགས་སུ་སྐྱེ་བ་ནི་མ་གཏོགས་སོ།། དེ་རིགས་ཆེན་པོ་འདི་ལྟ་སྟེ།
207a6 བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུའམ།། རྒྱལ་རིགས་ཤིང་སཱལ་ཆེན་པོ་ལྟ་བུའམ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་འམ། ཚོང་དཔོན་གྱི་རིགས་ཤིང་སཱ་ལུ་ཆུན་པོ་ལྟ
207a7 བུར་སྐྱེའོ་ཞེས་ང་སྨྲའོ། ། ལྷའི་དབང་པོ་དེ་ལྟར་ན་གཟུངས་འདིའི་མཐུས་བྱང་ཆུབ་ཀྱི་སྙིང་པོ་ལ་མཐར་ཐུག་གི་བར་དུ་སྐྱེ་བ་ཡོངས་སུ་དག་པ་ཆེན་པོ་འཐོབ་སྟེ། ལྷའི་དབང་པོ་གཟུངས་འདི་ནི་དེ་ལྟར་མཐུ
iiif viewer powered by OpenSeadragon
