| e-texts navigator |
| Wylie |
206b1 སྦྱོང་བ། ། བདེ་འགྲོའི་ལམ་ཐམས་ཅད་དུ་འགྲོ་བ་དང་། ངན་འགྲོ་ཐམས་ཅད་རྣམ་པར་འཇིག་པར་བྱེད་པ་འདི་ནི། སངས་རྒྱས་བཅོམ་ལྡན་འདས་གངྒཱའི་ཀླུང་འབུམ་ཕྲག་བྱེ་བ་ཕྲག་བརྒྱད་ཅུ་རྩ་བརྒྱད་ཀྱི་བྱེ
206b2 མ་སྙེད་དག་གིས་གསུངས་པ། བྱིན་གྱིས་བརླབས་པ། རྗེས་སུ་ཡི་རང་བར་མཛད་པ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཕྱག་རྒྱས་བཏབ་པ་སྟེ། སེམས་ཅན་ཐམས་ཅད་བདེ
206b3 འགྲོར་འགྲོ་བར་བྱ་བ་དང་། ངན་འགྲོར་ལྷུང་བ་རྣམས་བཟློག་པ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པ་སྡུག་བསྔལ་གྱི་གནས་ཐམས
206b4 ཅད་དུ་སྡུག་བསྔལ་ཞིང་ཉམ་ང་བར་གྱུར་པ་རྣམས་དང་། སྡུག་བསྔལ་གྱི་རྒྱ་མཚོར་ལྷུང་བའི་སེམས་ཅན་རྣམས་རྣམ་པར་གྲོལ་བར་བྱ་བའི་ཕྱིར་གསུངས་པའོ།། དེ་བཞིན་དུ་སེམས་ཅན་ཚེ་ཐུང་ཞིང་སྐལ
206b5 བ་ཆུང་བ་སྨད་པ་དང་། རྣམ་པ་སྣ་ཚོགས་ཀྱི་སྐྱེ་བར་ལྟུང་བ་རྣམས་དང་། བསམ་པ་ཉམས་པ་དང་། སེམས་ཅན་ལམ་ལས་ཉམས་པ་རྣམས་ཀྱི་དོན་དུ་གཟུངས་འདི་འཛམ་བུའི་གླིང་དུ་བཞག་གོ།།
206b6 ལྷའི་དབང་པོ་ཁྱོད་ཀྱིས་གཟུངས་འདི་ཟུང་ལ་ལྷའི་བུ་ཤིན་ཏུ་བརྟན་པ་ལ་སྒྲོགས་ཤིག། བསྒྲགས་ནས་ཀྱང་གདོན་པ་དང་། ཁ་ཏོན་དུ་བྱ་བ་དང་། བསམ་པ་དང་། བསྒོམ་པ་དང་། དྲན་པར་བྱ་བ
206b7 དང་། མཆོད་པ་དང་། གཟུང་བ་དང་། ཀུན་ཆུབ་པར་བྱ་བ་ལ་དེ་སྦྱོར་བར་གྱིས་ཤིག་དང་། དེ་ལྟར་ལྷའི་གནས་ཐམས་ཅད་ན་འཁོད་པའི་ལྷའི་བུ་རྣམས་དང་། འཛམ་དུ་གླིང་བའི་སེམས
iiif viewer powered by OpenSeadragon
