| e-texts navigator |
| Wylie |
202b1 མེད་པ་གསལ་པོར་ཐ་བ་ཁུང་གི་དབུས་སུ་བསམས་ལ། གཙུག་ཏོར་རྣམ་པར་རྒྱལ་བ་བཟླས་ཤིང་དགང་བླུགས་གསུམ་དངུལ་ལོ།། ཡང་ན། ཨོཾ་ཨ་མྲྀ་ཏ་ཨཱ་ཡུཿ་དེ་སྭཱ་ཧཱ། ཞེས་བྱ་བས་ཚེ་དང་བློ་རྣོ་བ་དང
202b2 བཅས་པ་ས་བརྒྱད་བརྒྱ་དུས་གསུམ་དུ་སྦྱིན་སྲེག་བྱའོ། ། གཙུག་ཏོར་རྣམ་པར་རྒྱལ་བ་ལན་བདུན་དུ་བཟླས་པ་བྱས་ན་ཚེ་རིང་བ་དང་། བློ་རྣོ་བ་དང་། སྐྱིད་པ་དང་། ནད་མེད་པར་འགྱུར་རོ།། ཡང་ན་ཟླ་བ་རེ་རེའི
202b3 དཀར་པོའི་ཕྱོགས་ཀྱི་ཚེས་བརྒྱད་ལ་མཆོད་པ་རྒྱ་ཆེན་པོ་བྱས་ལ། དུས་གསུམ་དུ་ཚེ་ལོ་སྟོང་ཐུབ་པར་འདོད་པས་སྦྱིན་སྲེག་བྱས་ན་མཆོག་གི་ཚེ་རིང་བ་དང་བློ་རྣོ་བ་སྦྱིན་པར་བྱེད་དོ།། སེམས་ཅན་རྣམས་ལ
202b4 སྨད་པར་མི་བྱའོ། ། ཆོ་ག་འདིས་རང་གི་ལུས་ནད་ཀྱིས་གོས་པར་མི་འགྱུར་ཞིང་ལོ་བརྒྱ་ལྔ་བཅུ་འཚོ་བ་དང་། དགྲ་ལས་རྣམ་པར་རྒྱལ་བ་དང་། བློ་རྣོ་བར་འགྱུར་རོ།། དབྱངས་སྙན་པར་འགྱུར་རོ།།
202b5 གལ་ཏེ་རང་གིས་མ་ནུས་ན་དེའི་ཚེ་རང་དང་འདྲ་བས་བྱས་ན་ཞི་བ་ཆེན་པོར་འགྱུར་རོ།། དེ་ནས་གཞན་ཡང་སྒྲུབ་པར་འདོད་ན་གཙུག་ཏོར་གྱི་རྒྱལ་པོ་ཆེན་པོ་ཆེ་དང་བློ་རྣོ་བ་དང་བཅས་པས་འབུམ་ཕྲག་གཅིག
202b6 སྦྱིན་སྲེག་བྱས་ཏེ། དང་པོ་དང་མཐར་སྟོང་སྟོང་གི་མཆོད་པ་བྱས་ལ། ཡང་འབུམ་ཕྲག་གཅིག་བཟླས་པ་བྱས་ན་ཚེ་ལོའི་བུམ་ཕྲག་གཅིག་ཐུབ་པར་འགྱུར་རོ།། བྱེ་བ་བྱས་ན་བྱེ་བ་ཐུབ་བོ།། དེ་ལྟར་འདིའི
202b7 ཚིགའི་རིམ་པས་ཚེ་ལོ་དཔག་ཏུ་མེད་པར་འགྱུར་ཞིང་ནམ་མཁའ་ལ་འགྲོ་བ་དང་། དཔའ་བ་དང་། དགྲ་ལས་རྒྱལ་བར་འགྱུར་རོ།། དཔལ་འདོད་ན་འབུམ་ཕྲག་གཅིག་སྦྱིན་སྲེག་བྱས་ན་དཔལ་ཆེན་པོ་ཐོ
iiif viewer powered by OpenSeadragon
