| e-texts navigator |
| Wylie |
199b1 དེ་ནད་དེ་ལས་གྲོལ་བར་འགྱུར་རོ། ། དེ་ལྟར་ཚེ་དཔག་ཏུ་མེད་པའི་ཕན་ཡོན་ཆེན་པོའི་གཟུངས་འདི་གང་དང་གང་དུ་རབ་ཏུ་སྦྱར་ན་དེ་དང་དེ་རུ་ཞི་བ་ཆེན་པོར་འགྱུར་རོ།། སོ་ཤིང་ལ་ལན་ཉི་ཤུ་རྩ་གཅིག་ཡོངས་སུ
199b2 བཟླས་ཏེ་འཆོས་ན་ནད་མེད་པ་དང་། བློ་རྣོ་བ་དང་། ཚེ་རིང་བར་འགྱུར་རོ།། ཆུ་ཁྱོར་བ་གསུམ་ལ་དུས་གསུམ་དུ་ལོན་ཉི་ཤུ་རྩ་གཅིག་རྩ་གཅིག་ཡོངས་སུ་བཟླས་ཏེ་འཐུངས་ན་ནད་ཐམས་ཅད་ལས་ཡོངས་སུ
199b3 གྲོལ་ཞིང་ཡུན་རིང་དུ་འཚོ་བར་འགྱུར་རོ། ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས། བཅོམ་ལྡན་འདས་ཚེ་དཔག་ཏུ་མེད་པ་ལ་བསྐོར་བ་བྱས་ནས་འདི
199b4 སྐད་ཅེས་གསོལ་ཏོ། ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོས་མཆོད་རྟེན་གྱི་ལས་ཇི་ལྟར་བགྱི། སྐུ་གཟུགས་ལ་སོགས་པ་སྒྲུབ་པ་ཇི་ལྟར་བགྱི། འདིར་སྦྱིན་སྲེག་ཀྱང་ཇི་ལྟར་བགྱི། བཅོམ་ལྡན
199b5 འདས་ཀྱིས་བཀའ་སྩལ་པ། དྲི་བ་ལེགས་པར་སྨྲས་པ་ནི།། དཔའ་བོ་ཆེན་པོ་ལེགས་སོ་ལེགས།། སེམས་ཅན་ཀུན་ལ་ཕན་བརྩེའི་ཕྱིར།། འདིར་ནི་རྩེ་གཅིག་ཡིད་ཀྱིས་ཉོན།། དེ་ནས་བཅོམ་ལྡན་འདས
199b6 ཀུན་ཏུ་འོད་དཔག་ཏུ་མེད་པའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་ཚེ་དཔག་ཏུ་མེད་པ་ཞེས་བྱ་བའི་གཟུངས་འདི་གསུངས་པ་ནི་འདི་ལྟ་སྟེ། ཨོཾ་ཨ་མི
199b7 ། ཨ་མི་ཏོད་བྷ་བེ། ཨ་མི་ཏ་བི་ཀཱནྟེ། ཨ་མི་ཏ་གཱ་ཏྲེ། ཨ་མི་ཏ་གཱ་མི་ནི། ཨ་སྲྀ་ཏ་ཨཱ་ཡུཛ་ཏེ། ག་ག་ན་ཀཱི་ཏི། ཀ་རེ་སརྦྦ་ཀླེ་ཤ་ཀྵ་ཡཾ་ཀ་རཱི་ཡེ་སྭཱཧཱ། ཞེས་བྱ་བའི་གཟུངས་འདིས་མཆོད་རྟེན
iiif viewer powered by OpenSeadragon
