| e-texts navigator |
| Wylie |
199a1 མཆོད་པའི་ཆོག་བྱས་ན་ནང་ལས་གྲོལ་ཞིང་ཚེ་ལོ་བརྒྱ་ཐུབ་པར་འགྱུར་རོ། ། མེད་ན་འདས་པའི་རང་བཞིན་ལའང་བྱའོ།། ཡང་གོས་གཙང་མ་ལ་སྣ་ཚོགས་རྡོ་རྗེ་ལ་གནས་པའི་མཆོད་རྟེན
199a2 བྲིས་ལ་རྡོ་རྗེ་འཕྲེང་བས་བསྐོར་བས་བརྒྱན་པ་དེའི་ནང་དུ་རང་གི་མིང་དང་གཟུངས་ཀྱི་ཚིག་འདི་གི་འུ་ཝང་གིས་བྲིས་ལ་ཁམ་པོ་རབ་སྦྱར་གྱི་ནང་དུ་བཞུགས་སུ་གསོལ་ལ། རང་གི་ཁྱིམ་དུ་བཞག་སྟེ་མཆོད་པ་རྒྱ་ཆེན
199a3 བོཔོས་མཆོད་པ་བྱས་ན་རྟག་ཏུ་སྲུང་བར་འགྱུར་རོ། ། གཞན་ཡང་ཆོ་ག་ནི་ས་ལ་མ་ལྷུང་བའི་ལྕི་བས་མཎྜལ་གྲུ་བཞིར་བྱས་ལ་མེ་ཏོག་དཀར་པོ་བཀྲ་མ་སྟེ་མཚམས་བཞིར་ཞུན་མར་གྱི་མར་མེ་བཞི་པ་ཞིག་ལ། ཨ་ཀ
199a4 རུ་དང་དུ་རུ་ཀའི་བདུག་པ་བྱས་ལ། དེ་བཞིན་དུ་དྲིའི་ཆུས་གང་བའི་སྣོད་མེ་ཏོག་དཀར་པོས་བརྒྱན་ཏེ། གཟུངས་ཀྱི་སྙིང་པོ་ཅན་གྱི་མཆོད་རྟེན་ན་མ་སྐུ་གཟུགས་དབུས་སུ་བཞུགས་སུ་གསོལ་ལ། དེ་ལ་གཡོན
199a5 པའི་ལག་པས་རེག་སྟེ། གཡས་པའི་ལག་པས་འཕྲེང་བ་འཛིན་པས། ཉི་མ་རེ་རེ་ཞིང་ཉི་ཤུ་རྩ་གཅིག་རྩ་གཅིག་དུས་གསུམ་དུ་བཟླས་པ་བྱས་ལ། དེའི་ཆུ་ཁྱོར་བ་གསུམ་འཐུངས་ན་ནད་མེད་པ་དང་།
199a6 ཚེ་རིང་བ་དང་། དགྲ་ཡོངས་སུ་ཉམས་པ་དང་། འཛིན་བློ་རྣོ་བ་དང་། ངག་བཙུན་པར་འགྱུར་རོ།། སྐྱེ་བ་ནས་སྐྱེ་བར་སྐྱེ་བ་དྲན་པར་འགྱུར་རོ།། དེའི་ཆུས་ཁང་པ་འམ། ཕྱུགས་ཀྱི་ར་བ་འམ། རྟའི
199a7 ར་བ་འམ། རྒྱལ་པོའི་ཁབ་ཏུ་གཏོར་ན་རྐུན་མོ་དང་། སྦྲུལ་དང་། གནོད་སྦྱིན་དང་། སྲིན་པོ་ལ་སོགས་པའི་འཇིགས་པ་མི་འབྱུང་ཞིང་ནད་ཀྱིས་ཡོངས་སུ་གདུངས་པར་མི་འགྱུར་རོ།། མགོ་ལ་གཏོར་ན
iiif viewer powered by OpenSeadragon
