| e-texts navigator |
| Wylie |
497b1 བཟངས་རིས། ། མིག་དམར་གཟའ་ལག་པ་ཝ་སངས།། སྤེན་པ་དཔའ་བོ་ལྔ་ཀུན་ལྷགས།། ལྷ་རྣམས་ཀུན་གྱིས་ཕྱག་བགྱིས་པ།། འཇིག་རྟེན་ཆོས་ཀྱི་དྲི་མ་བྲལ།། ཁྱོད་ནི་འཇིག་རྟེན་གང
497b2 ཟག་མཆོག། འཇིག་རྟེན་མཁྱེན་པ་འཇིག་རྟེན་རིག། ཡེ་ཤེས་ཅན་གྱི་དམ་མཆོག་པ།། དམ་པ་སྦྱིན་དང་གནས་དང་སྐྱབས།། བདུད་ཀྱི་ལས་ཀྱིས་ཡོངས་མི་བརྫི།། ཁ་ན་མ་ཐོ་མི་མངའ
497b3 ཟབ། ། དགེ་བའི་བཤེས་གཉེན་ཀུན་ཏུ་གྲགས།། ཁྱོད་ནི་སྨན་པ་ཟུག་རྔུ་འབྱིན།། མི་འདུལ་ཁ་ལོ་སྒྱུར་བའི་མཆོག། བློ་གྲོས་ལྡན་ཞིང་རྟོགས་དང་ལྡན།། བློ་དང་ལྡན་ཞིང་མཁས་པ
497b4 ལགས། ། ཁྱོད་ནི་བསོད་ནམས་དཔག་བསམ་ཤིང་།། བྱང་ཆུབ་ཡན་ལག་མེ་ཏོག་རྒྱན།། རྣམ་གྲོལ་འབྲས་བུ་ཕུན་སུམ་ཚོགས།། ལུས་ཅན་ཀུན་གྱི་མཆོག་ཏུ་གྱུར།། ཡིད་དུ་འོང་ཞིང
497b5 ཡིད་འཕྲོག་པ། ། སྡིག་པ་མི་མངའ་ཚངས་པར་སྤྱོད།། ཁྱོད་ནི་འཇུག་རིངས་གཟའ་མཆོག་ལགས།། ཁྱོད་ནི་དྲང་སྲོང་ཐུབ་པ་མཆོག། ཁྱོད་ནི་རྒྱལ་ཚབ་དབང་བསྐུར་བ།། ས་བཅུའི་དབང་ཕྱུག་གཙོ་བོ
497b6 ལགས། ། དེད་དཔོར་འགྲོ་བ་རྣམས་ཀྱི་གཙོ།། མྱ་ངན་འདས་པ་མཆོག་སྟོན་བཞིན།། ཁྱོད་ནི་ནམ་མཁའ་ས་ཆུ་བཞིན།། ཁྱོད་ནི་མེ་དང་རླུང་ལྟ་བུ།། ཁྱོད་ནི་ཡིད་བཞིན་ནོར་བུ་ལྟར།། སེམས་ཅན
497b7 རེ་བ་ཀུན་རྫོགས་མཛད། ། འབྱུང་པོ་ཀུན་གྱིས་ཕྱག་འགྱིས་པ།། རིན་ཆེན་ཁྱོད་ལ་ཕྱག་འཚལ་ལོ།། འཇམ་དཔལ་གྱིས་ནི་བཀའ་སྩལ་པ།། ཨོཾ་བཱ་ཀྱེ་ན་མ་སྭཱ་ཧཱ། དི་སྐད་སྨོས་པའི་མཚན་རྣམས་དང་།།
iiif viewer powered by OpenSeadragon
