| e-texts navigator |
| Wylie |
474a1 ལུས་སུ་སྐྱེས་ན་ཡང་། ། དབུལ་ཞིང་ངན་དམང་གླེན་པ་དང་།། ཀླ་ཀློ་དག་ཏུ་སྐྱེ་བར་འགྱུར།། འཇིག་རྟེན་སྨད་པར་འགྲོ་བ་སྟེ།། དེ་ནི་མཛེ་ཅན་ནད་པར་འགྱུར།། ལྐུག
474a2 ཅིང་ལེན་པ་ཡན་ལག་ཉམས། ། བློ་ཉམས་ལོང་བ་ཉིད་དང་ནི།། རྩུབ་ཅིང་རྟག་ཏུ་འཇིགས་པའི་གཟུགས།། ས་སྟེང་ཡི་དགས་ལྟ་བུར་སྣང་།། གོས་ངན་སེམས་ནི་ཞན་པ་དང་།། སེན་མོ་དང་ནི་ལུས
474a3 ཀྱང་ངན། ། སྲིན་བུ་རྣམས་ཀྱིས་ཟོས་པ་དང་།། ཤུ་བ་གཡན་པ་ཡང་དག་ལྡན།། མདོ་སྡེ་འདི་ནི་རབ་སྤངས་ན།། གང་དང་གང་གི་འགྲོ་བར་འགྲོ།། དེ་དང་དེར་ནི་སྐྱེས་པ་ན།། བློ་ངན་རྨོངས་པར་སྐྱེ་བར
474a4 འགྱུར། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ
474a5 བཙུགས་ཏེ་མིག་ཕྱེ་ཞིང་མི་འཛུམ་པས། ཐམས་ཅད་དང་ལྡན་པའི་གནས་གཙང་མའི་གཞལ་མེད་ཁང་ན་གནས་པའི་ལྷའི་བུ་རྣམས་དང་། འབྱུང་པོའི་ཚོགས་དུ་མ་ཆོས་མཉན་པའི་ཕྱིར་འདུས་པར
474a6 ཤེས་ནས། བཅོམ་ལྡན་འདས་ཤཱཀྱ་ཐུབ་པ་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ཙམ་དུ་ཆོས་ཀྱི་རྣམ་གྲངས་འདིས་ནི་ངོ་མཚར་ཏེ་མཆོག་ཏུ་ལེགས་པར་གསུངས་པ་ལགས་ན། དེ
474a7 ལ་བཅོམ་ལྡན་འདས་མ་འོངས་པའི་དུས་ན་སེམས་ཅན་མ་རིགས་པའི་ཆགས་པས་ཟིལ་གྱི་ནོར་པ། སླུ་བར་བྱེད་པ། ང་རྒྱལ་ཅན། མ་དད་པ། གྱ་གྱུ་ཅན། དམུ་རྒོད། ཚུལ་ཁྲིམས་འཆལ་པ་དག
iiif viewer powered by OpenSeadragon
