| e-texts navigator |
| Wylie |
473b1 འདིས་འདྲེན་བྱེད། ། འཇམ་པའི་དབྱངས་ནི་ལེགས་དགོད་པ།། ཕུན་ཚོགས་དཔལ་དང་བློ་གྲོས་མཆོད།། རྩ་བའི་ཆོ་ག་མི་ཉུང་བ།། རྒྱ་ཆེ་མང་པོར་བསྟན་པ་ཡིན།། རྟག་དང་ཆད་དང་ཐོག་མཐའ་ནི།། གཉིས
473b2 ཀའི་མཐའ་དོན་རྣམ་པར་སྤངས། ། རིམ་བཅས་རིམ་ནི་ངེས་པར་བསྟན།། སྔགས་ཀྱིས་ལུས་ནི་བཏུས་པ་ཡི།། མེ་དང་རླུང་དང་ནམ་འཁའ་དང་།། སྟོང་པའི་དེ་ཉིད་ལེགས་གསུངས་པ།། སྤངས་པ
473b3 རྟག་ཏུ་འགྲོ་བ་ནི། ། འོག་ནས་འོག་ཏུ་དེ་ཚེ་འགྲོ།། བསྐལ་པ་རྣམ་མང་གསུམ་གྱི་གྲངས།། དེ་ཚེ་བསོད་ནམས་ཡོང་བསགས་ནས།། དེ་ཚེ་བྱང་ཆུབ་ཐོབ་ནས་ནི།། བདག་དང་རྒྱལ་བ་མཆོག་རྣམས
473b4 ཀྱིས། ། སྔགས་དང་རྒྱད་ཀྱི་དོན་གསུངས་པ།། འགྲོ་བ་ཡུལ་ནི་སྡིག་མེད་ལའོ།། རྩ་བའི་ཆོ་ག་དག་བྱེད་དང་།། སྡིག་པ་མེད་ཅིང་བཀྲ་ཤིས་པའི།། ལེའུ་རབ་འབྱམས་རབ་གསུངས་པ།། ངེས་པའི་མདོ་སྡེ
473b5 བཟང་པོ་ཡིན། ། ས་བདག་ཡོན་ཏན་བདག་ཉིད་ཆ།། ཡུལ་དང་དུས་ཀྱི་སྦྱོར་བ་དང་།། རྒྱལ་སྲས་མི་རུ་སྐྱེས་པ་ཡིན།། ས་སྟེང་དམ་པའི་ཆོས་བསྟན་ཞེས།། འཇིག་རྟེན་གཙོ་བོ་ཐུབ་པ་ནི།། རྒྱལ་བ་བདུན
473b6 པས་བསྟན་པ་ཡིན། ། ཆོ་ག་རྒྱ་ཆེར་གསུངས་པ་ནི།། བློ་དང་དཔལ་ནི་མངོན་པར་འཕེལ།། རྩ་བ་རབ་འབྱམས་ལེའུ་ཞེས།། སྔགས་དང་རྒྱུད་དང་ལྡན་པ་དེ།། གང་ཞིག་མདོ་མཆོག་གཙོ་བོ་འདི།། རྒྱལ་བས
473b7 མཆོད་པའི་ཆོས་ཀྱི་མཛོད། ། ས་སྟེང་མིས་ནི་སྤོང་བྱེད་པ།། དེ་ནི་མནར་མེད་དམྱལ་བར་འགྲོ།། བསྐལ་པ་ཆེན་པོར་དེ་འཚེད་ཅེས།། རྣམ་པ་དུ་མར་དབྱེ་བར་བསྟན།། ནམ་ཞིག་གང་དུ་འབྱུང་བ་ནི།། མི་ཡི
iiif viewer powered by OpenSeadragon
