| e-texts navigator |
| Wylie |
472a1 ནས་ལྷའི་དབང་པོ་བརྒྱ་བྱིན་གྱིས། སུམ་ཅུ་རྩ་གསུམ་གྱི་ལྷ་རྣམས་ལ་སྨྲས་པ། གྲོགས་པོ་དག་མ་འཇིགས་ཤིག་མ་འཇིགས་ཤིག། སངས་རྒྱས་ཀྱི་མཐུས
472a2 ལྷ་མ་ཡིན་ལས་བདག་ཅག་ངེས་པར་རྒྱལ་བས་རང་གི་གནས་སུ་འགྲོ་བར་བྱའོ། ། རང་རང་གི་གནས་ཇི་ལྟ་བ་བཞིན་དུ་སོང་ནས་ཁྱེད་ཅག་རྩེ་བ་དང་དགའ་བ་ཡོངས་སུ་སྤྱོད་པར་གྱིས་ཤིག།
472a3 དེ་ནས་ལྷ་དེ་དག་ཐམས་ཅད་ཡིད་ཤིན་ཏུ་དགའ་ནས་ཕྱིར་ཡང་རང་གི་གནས་སུ་ལོག་པར་གྱུར་ཏོ།། དེ་ནས་ལྷ་རྣམས་ཀྱི་དབང་པོ་བརྒྱ་བྱིན་འདི་སྙམ་དུ་སེམས་པར་གྱུར་ཏེ། གང
472a4 བདག་གིས་གཞོན་ནུའི་གཟུགས་ཅན་གྱི་གཟུགས་བརྙན་གྱི་རྣམ་པ་དེ་བྱས་ལ་རྒྱལ་མཚན་གྱི་རྩེ་མོ་ལའང་བཏགས་ན། དེས་ནི་གོང་གི་ལྷ་མ་ཡིན་གྱི་འཇིགས་པ་མི་འབྱུང་ངོ་ངོ།
472a5 ཞེས་བསྟན་ཏོ།། དེ་ནས། ལྷ་རྣམས་ཀྱི་དབང་པོ་བརྒྱ་བྱིན་གྱིས་ཆེན་པོ་ལ་འོས་པའི་ནོར་བུ་རིན་པོ་ཆེ་ནང་འོད་དང་ལྡན་ཞིང་གསལ་བའི་འཕྲེང་བ་བླངས་ནས་གཞོན་ནུའི་ཆ་བྱད་ཀྱི
472a6 གཟུགས་བརྙན་བྱས་ཏེ། སྟང་གི་ཁང་བཟངས་སུ་གྲོང་ཁྱེར་ཆེན་པོ་བལྟ་ན་སྡུག་པའི་དབུས་ན་ལྷ་རྣམས་ཀྱི་འདུན་ས་ཆོས་བཟངས་ཀྱི་རྩེ་མོར་རྒྱལ་མཚན་བསྒྲེང་བ་ལེགས་པར་བཀོད
472a7 པ་བྱས་ནས་བཞག་པར་གྱུར་ཏོ། ། དེ་ནས་ལྷ་མ་ཡིན་དེ་དག་རབ་ཚིམ་བྱེད་དང་། ཐག་བཟངས་རིས་ལ་སོགས་པ་དེ་དག་ལྷ་རྣམས་ཀྱི་སྟེང་དུ་མི་འགྲོ་ཞིང་། ལྷ་དེ་དག་ཀྱང
iiif viewer powered by OpenSeadragon
