| e-texts navigator |
| Wylie |
466b1 ཤེས་མེད་པའི་མཐའ་ཡང་བསྒྱུར། ། དེ་དག་གཙོ་བོ་མེད་པ་སྟེ།། མཉམ་པའི་ཚུལ་དུ་ཡང་དག་གནས།། འོག་ཏུ་མནར་མེད་མཐར་ཐུག་པར།། དེར་ནི་རྒྱལ་པོ་ཡོད་མ་ཡིན།། འཇམ
466b2 དཔལ་དེ་ལྟ་བས་ན་དེ་ལྟར་ཕྱི་མའི་ཚེ་ཕྱི་མའི་དུས་སུ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་དེ་བཞིན་གཤེགས་པ་རྣམས་ཀྱི་ཆོས་ཀྱི་མཛོད་འདི་གླེགས་བམ་དུ་ཆུད་པར་བྱས་ཏེ་འདྲི
466b3 བར་འགྱུར། ཀློག་པར་འགྱུར། ཁ་ཏོན་དུ་བྱེད་པར་འགྱུར་བ་འམ། གླེགས་བམ་དུ་བྱས་ཏེ་འཆང་བར་འགྱུར། གུས་པར་བྱས་ཏེ་ཡིད་ལ་བྱས་པར་འགྱུར། གོས་རྣམ་པ
466b4 སྣ་ཚོགས་དང་། ཕྱེ་མ་དང་། གདུགས་དང་། རྒྱལ་མཚན་དང་། བ་དན་དང་། དྲིལ་བུ་དང་། རོལ་མོ་དང་། འཕྲེང་བ་དང་། བྱུག་པ་དང་། སྤོས་དང་། དྲི
466b5 དང་། དྲི་ཞིམ་པོ་དག་གི་མཆོད་པར་བྱེད་པར་འགྱུར། རི་མོར་བྱེད་པར་འགྱུར། ཡང་དག་པར་འཛིན་པར་བྱེད་པར་འགྱུར། ཡིད་རྩེ་གཅིག་པའི་སེམས་ཀྱིས་ཆོས་བྱེད་པར་འགྱུར་བ་དེ
466b6 ལ་ནི་ཕན་ཡོན་བཅུ་པོ་འདི་དག་ཏུ་འགྱུར་ཏེ། བཅུ་གང་ཞེ་ན། དེར་འདི་ལ་ཕ་རོལ་དམག་ཚོགས་ཀྱི་འཇིགས་པ་འབྱུང་བར་མི་འགྱུར། ཆར་འབབ་པ་མི་མཁས་པ་དང་། གཟའ
466b7 དང་། འཆི་བ་ཆེན་པོའི་འཇིགས་པ་འབྱུང་བར་མི་འགྱུར་རོ།། མི་མ་ཡིན་པའི་འཇིགས་པ་འམ། དེར་འདི་ལ་མེའི་འཇིགས་པ་འབྱུང་བར་མི་འགྱུར་རོ།། ཕྱིར་རྒོལ་བ
iiif viewer powered by OpenSeadragon
