| e-texts navigator |
| Wylie |
464a1 ལ་འབྱུང་བར་འགྱུར།། ཡི་གེ་ད་དང་ལ་དང་པོར།། སྡོམ་བརྩོན་གང་ཞིག་རབ་གསུངས་དང་།། ཡི་གེ་ར་དང་བ་དང་པོར།། དགེ་སློང་གང་ཞིག་རབ་བྱུང་གསུངས།།
464a2 སྟོན་པའི་བསྟན་པ་གསལ་བྱེད་པ།། འབྱུང་བར་འགྱུར་བར་ཐེ་ཙོམ་མེད།། རྒྱལ་པོ་ནག་པོ་ཞེས་བྱ་བར།། ཡི་གེ་མ་ཞེས་སྡོམ་བརྩོན་འབྱུང་།། མཆོད་རྟེན་ཀུན་དགའ་ར་བ་གནས།།
464a3 རྫིང་དང་ཁྲོན་པའང་ཐམས་ཅད་དུ།། སྟོན་པའི་གཟུགས་བརྙན་དེ་བཞིན་རྟགས།། གཟིངས་དང་ཟམ་པ་ཉིད་རྣམས་ནི།། བྱེད་པར་འགྱུར་བར་ཐེ་ཙོམ་མེད།། མཚོན་གྱིས
464a4 ལུས་ཞིག་མཐོ་རིས་འགྲོ། ། དེ་ནས་ཡི་གེ་ས་དང་ཀ། དང་པོ་དག་ཏུ་བརྗོད་པ་དང་།། དེ་བཞིན་ཡི་གེ་ར་དང་གྷ།། དང་པོ་དག་ཏུ་རབ་བརྗོད་དང་།། དང་པོར་ཡི་གེ་བ་དང་ནི།།
464a5 ལེགས་བཞིན་ལེགས་ཏེ་སྡེ་ཞེས་བསྟན།། སྦྱིན་བྱེད་སྦྱིན་པར་བྱེད་པ་ཉིད།། གཞན་གྱི་གྲུབ་མཐའ་སུན་བྱེད་པ།། ཚོང་པ་སྔོན་དང་སྨན་པ་སྔོན།། གཉིས་ཀ་སྦྱིན་བྱེད་སྣ་ཚོགས་བྱེད།།
464a6 ཡི་གེ་བ་ཞེས་སྡོམ་བརྩོན་བསྒྲགས།། དེ་ལས་གཞན་པ་དང་ཡི་ག་ར།། དང་པོ་ཡི་གེ་བ་གྲགས་དང་།། སྟོན་པའི་གཟུགས་བརྙན་དོན་ཡང་བྱེད།། བློ་ལྡན་དང་པོར་ཡི་གེ་མ།།
464a7 བཞིན་སྡོམ་བརྩོན་དང་པར་འབྱུང་།། རྣམ་པ་དུ་མ་སྡོམ་བརྩོན་གསུངས།། དེ་ཚེ་མཐའ་ཡས་འབྱུང་བར་འགྱུར།། སྡོམ་བརྩོན་ཐམས་ཅད་བསྒྲགས་པ་ཡང་།། སྟོན་པའི་བསྟན་པ
iiif viewer powered by OpenSeadragon
