| e-texts navigator |
| Wylie |
259b1 ཡ་བཱ་ཀ་ཙིཏྟ་བཛྲ་ཀཱི་ལ་ཡ་ཕཊ། ནཱ་ག་བི་དཱ་རཱ་ཡ་ཕཊ། ནཱ་ག་ཨུཏ་སཱ་ད་ནཱ་ཡ་ཕཊ། ནཱི་ལཱཾ་བ་ས་ནཱ་ཡ་ཕཊ། སྔགས་འདི་གསུངས་པ་ཙམ་གྱིས་ཁམས་གསུམ་ན་གནས་པའི་སེམས་ཅན
259b2 རྣམས་འདར་ཞིང་བརྒྱལ་བར་གྱུར་ཏོ། ། དེ་ནས་བཅོམ་ལྡན་འདས་བརྒྱལ་བ་སེལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཨ་བ་ཤ་གསུངས་པས་ཐམས་ཅད་ཀྱང
259b3 དབུགས་འབྱུང་ཞིང་བརྒྱལ་བ་སངས་ནས་འདར་ཞིང་ཐལ་མོ་སྦྱར་ནས་ཆེད་དུ་བརྗོད་པ། སངས་རྒྱས་ཀུན་གྱིས་དབང་བསྐུར་ཞིང་།། གདུག་པ་ཐམས་ཅད་འཇོམས་མཛད་པའི
259b4 སྔགས་དང་ཏིང་འཛིན་ནུས་པ་ཡིས། ། སངས་རྒྱས་ཀྱིས་ཀྱང་གཞལ་མི་ནུས།། རྡོ་རྗེ་ས་འོག་གི་རྒྱུད་ལས་ཀླུ་སྒྲུབ་པའི་ལེའུ་སྟེ་དྲུག་པའོ།། །། དེ་ནས་གཏམ
259b5 རྒྱུད་བཤད་པར་བྱ་སྟེ། བཅོམ་ལྡན་འདས་རྡོ་རྗེ་འཆང་ཆེན་པོས་ལྷ་གནས་རྣམ་པ་བརྒྱད་དུ་རྒྱུད་ཐམས་ཅད་བསྡུས་ནས་རི་རབ་ཀྱི་བྱང་ཕྱོགས་སུ་འཇིག་རྟེན་གསུམ་འདུལ་བའི་རྒྱུད
259b6 གསུངས་སོ། ། དེ་ནས་ཞལ་གསུམ་པ་ཕྱག་དྲུག་པའི་སྔགས་གསུངས་པས་ལྷ་དང་ལྷ་མ་ཡིན་གྱི་རྣ་བར་སོང་ངོ་།། རིགས་སྔགས་འཆང་དེ་རྣམས་ངོ་མཚར་ནས་བསྟོད་པ་བྱས་སོ།།
259b7 དེ་ནས་གླིང་གི་སྙིང་པོར་འཁོར་གྱི་སྙིང་པོ་གནོད་སྦྱིན་གྱི་ཆ་འཛིན་པ། བྱང་ཆུབ་སེམས་དཔའ་ཕྱག་ན་རྡོ་རྗེ་བྱོན་ནས་མ་གྱི་སྙིང་པོ་དང་འདྲ་བ་དམ་པའི་ཆོས་རྒྱུད་ཐམས་ཅད་བསྡུས་སོ།།
iiif viewer powered by OpenSeadragon
