| e-texts navigator |
| Wylie |
258a1 གཉིས་བརྒྱད་པར་གླང་། ། གཡས་ཀྱི་ཕྱོགས་ནས་བསྐོར་བའོ།། མ་ཧེ་རྟ་དང་ལུག་དང་སྤྲེའུ།། གཡོན་གྱི་ཕྱོགས་ནས་བསྐོར་བའོ།། དེ་ནི་དབུལ་བའི་དམ་ཚིག་གོ།
258a2 ཁྲག་དང་དུག་དང་སྐེ་ཚེ་ཡིས།། ནམ་གྱི་ཕྱེད་ཀྱི་དུས་དག་ཏུ།། དུར་ཁྲོད་རས་ལ་འདི་ལྟར་བྲི།། ཞལ་བརྒྱད་ཕྱག་སྟོང་ཡང་ན་བཅུ།། ཞལ་བཞི་དང་པོ་ཞི་བ་སྟེ།། གཉིས་པ་དམར་པོ་ཆུ
258a3 སྲིན་ནོ། ། གསུམ་ནི་ཁྲོ་ནག་མེད་དང་ཁྲོ།། བཞི་པ་ཡི་དགས་མགོ་ཡིན་ནོ།། སྐྲ་ནི་གྱེན་བརྫེས་ཞལ་དང་མཚུངས།། སྤྲུལ་པ་བྱ་རྒོད་ཁྲ་དང་སྤྱང་།། དེ་ཡི་མགོ་ཅན་བྲི་བར་བྱ།། དགུག
258a4 གཞུག་དབང་ནི་བསྐྲད་པར་བྱའོ། ། འདི་ནི་བསྟེན་པའི་དམ་ཚིག་གོ། བསྙེན་པའི་དམ་ཚིག་གཉིས་དག་གི། གསུམ་རྒྱལ་དག་ལས་ཤེས་པར་བྱ།། ཨོཾ་ཡཀྵ་ཧ་ས་ཧ་ས། ད་ར་ད་ར་ཧཱུཾ།
258a5 ཁྲ་དང་སྤྱང་ཀི་ཁྱི་ལ་སོགས།། རྨི་ལམ་དུ་འམ་དངོས་སུ་འབྱུང་།། དེ་ནས་མཆོད་པའི་དམ་རྫས་ཀུན།། བསྒྲུབ་བྱའི་རྫས་དང་བསྲེས་བྱས་ལ།། གཟུགས་བརླན་བྱས་ལ་ཐོད་པར་གཞུག
258a6 མར་ངོ་གནོད་སྦྱིན་གཟུགས་ཀྱིས་མཆོད། ། ཨོཾ་ཡཀྵ་མཱ་ར་ཡ་མཱ་ར་ཡ། ཨ་པྲ་ཏི་ཧ་བ་ལ་བ་རཱ་ཀྲ་མཱ་ཡ་ཕཊ། སརྦ་ཤ་ཏྲུཾ་སཾ་བརྟ་བི་ནཱ་ཤ་ཀ་རཱ་ཡ་ཕཊ། ནཱི་ལཱཾ་བ་ར་དྷ་ར་བཛྲ་པཱ་ཎི་རཱ་ཛཱ་པ་ཡ
258a7 ཏི་མཱ་ར་ཡ་ཙིཏྟ་ལ་ཕཊ། དེས་ཀྱང་གྲུབ་པར་མ་གྱུར་ན།། གཟུགས་བརྙན་རྡུལ་ལ་སྦྱིན་སྲེག་བྱ།། ལས་སྐྱེས་གཟུགས་བརྙན་གོང་བུར་གཞུག། དེས་ཀྱང་གྲུབ་པར་མ་གྱུར་ན།
iiif viewer powered by OpenSeadragon
