| e-texts navigator |
| Wylie |
257b1 དཀྱིལ་འཁོར་གྱི་ལེའུ་སྟེ་བཞི་པའོ།། ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། རྡོ་རྗེ་འཛིན་པ་ལ་མཆོད་ཅིང་ཕྱག་འཚལ་ནས་གསོལ་བ་བཏབ་པ། སྙིང་པོ
257b2 ཀུན་ལ་ཕན་གདགས་དང་། ། སངས་རྒྱས་བསྟན་ལ་གཞུག་དོན་དུ།། གནོད་སྦྱིན་བསྒྲུབ་པར་བྱ་བ་ནི།། རྡོ་རྗེ་ཆེན་པོས་བཤད་དུ་གསོལ།། དེ་ནས་སྟོན་པ་རྡོ་རྗེ་འཛིན།། སེམས་ཅན་ཀུན་ལ
257b3 ཕན་དོན་དུ། ། གནོད་སྦྱིན་བསྒྲུབ་པར་བྱ་བ་ནི།། གསུང་ནི་འདི་སྐད་བཀའ་སྩལ་ཏོ།། རྡོ་རྗེ་སློབ་དཔོན་སྨོད་པ་དང་།། ཐེག་པ་ཆེ་ལ་སྨོད་པ་དང་།། དེ་སྒྲུབ་པ་ལ་སྙིང་ནས་བརྙས།།
257b4 སྒྲུབ་པ་འདི་ནི་བརྩམ་པར་བྱ།། དེ་ལ་རི་རབ་ཀྱི་འོག་ནས་ལས་ཀྱི་གནོད་སྦྱིན་གྱི་ལུས་བླངལ་གདོང་བཞི་ལག་པ་བཞི་ཡོད་པ། གདོང་དང་པོ་བཅོམ་ལྡན་འདས་ཀྱི་སྔགས་ཟློས་པ། གཉིས་པ་རང་གི་སྲོག།
257b5 སྙིང་བཟླ་བ། གསུམ་པ་ནི་མེ་ལྕེའི་དབུགས་འབྱུང་། བཞི་པ་ནི་ཤ་དང་ཁྲག་ཟ་བ་ཡོད། དེ་སྒྲུབ་པའི་ཐབས་བཤད་ཀྱིས་ལེགས་པར་ཉོན་ལ་ཡིད་ལ་ཟུང་ཞིག། རྡོ་རྗེ་འཛིན་པའི་ཏིང་འཛིན
257b6 གྱིས། ། སྔགས་ཀྱི་རྒྱལ་པོ་འབུམ་བཟླས་ལ།། འབྱུང་བ་བཞི་ཡི་དཀྱིལ་འཁོར་བྲི།། དེ་ཡི་སྟེང་དུ་ཁྲག་ཆེན་གྱིས།། པདྨ་འདབ་མ་བཅུ་དྲུག་པ།། བཙོན་དོང་ཚུལ་དུ་བྲི་བར་བྱ།། དར
257b7 སྔོན་དེ་ཡི་ནང་དུ་བཏིང་། ། དབུས་སུ་མི་ཡི་ཤ་དང་ཁྲག། དང་པོ་ཁྱི་སྟེ་གཉིས་པ་བག། གསུམ་པར་རྣ་ཅན་ཟངས་གཙུག་ཕུད།། ལྔ་པར་སྐད་ཅན་དྲུག་པར་ར།། བདུན་པར་སྐྱེ
iiif viewer powered by OpenSeadragon
