| e-texts navigator |
| Wylie |
257a1 གཉིས་པ་པདྨ་རལ་གྲི་གཉིས།། གསུམ་པ་ལྷ་ཡི་སྣམ་བུའོ།། དེ་ནས་ཚོན་ནི་དགྱེ་བར་བྱ།། ལྟེ་བ་དཀྱིལ་འཁོར་འོད་དང་བཅས།། པདྨ་སྔོན་པོ་རལ་གྲི་སྔོན།།
257a2 ལྷ་སྣམ་གནག་ལ་རྡོ་རྗེའི་སྒོ།། བཞི་ནི་དཀར་པོ་བྲི་བར་བྱ།། སྒོ་ཡི་ཕྱི་རོལ་ཁ་དོག་གནག། མེ་རི་འབར་བ་བྲི་བར་བྱ།། དེ་ལ་རྡོ་རྗེ་འཕྲེང་བས་བསྐོར།། མདའ་དང་ཕུར་བུ་བཅུ་དྲུག་ལ།
257a3 ཚོན་སྐུད་སྔོན་པོ་བྲི་བར་བྱ།། དབུས་སུ་བཅོམ་ལྡན་འདས་མ་ལ།། ཀླུ་ཆེན་ཕྱེད་གཟུགས་སྦྲུལ་མགོ་ཅན།། རྫོགས་པར་བྱས་ནས་རྣལ་འབྱོར་ནི།། ཆོ་ག་བཞིན་དུ་གཉིས་ཀ་ཡི།།
257a4 རྒྱུད་ལས་གསུངས་པ་བཞིན་དུ་བསྐྱེད།། དང་པོ་ཐ་མའི་སྤྱན་སྔར་ནི།། ཕྱག་འཚལ་ལ་སོགས་བདུན་རྣམ་དག། དེ་ནས་ཡེ་ཤེས་སེམས་དཔའ་ལ།། མེ་ཏོག་གཏོར་ཞིང་བསྟོད་པ་བྱ།།
257a5 ཕྱག་འཚལ་བསྐོར་བ་བདུན་རྣམ་དག། བྱས་ནས་ཡེ་ཤེས་དབབ་པར་བྱ།། གནས་གསུམ་ཡི་གེ་གསུམ་བསམས་ལ།། སྔགས་འདི་ཡང་ནི་བརྗོད་པར་བྱ།། ཨཱ་བེ་ཤསྟཾ་བྷ་ཡ་རཱ་རཱ
257a6 ཙཱ་ལ་ཡ། ཙཱ་ལ་ཡ་ཧཱུཾ་ཨ་ཨོཾ་ཛེཿ། དེ་ནས་དཀྱིལ་འཁོར་བསྟན་བྱས་ལ།། རིག་པའི་དབང་ནི་ཆོ་ག་བཞིན།། དེ་ནས་སྔགས་ཀྱི་རྗེས་གནང་སྦྱིན།། རྣལ་འབྱོར་སྙིང་ཁའི་ས་བོན་ལས།།
257a7 སྔགས་ཀྱི་འོད་ཀྱིས་ཡེ་ཤེས་བསྐུལ།། ཡེ་ཤེས་ལྗགས་ལས་འོད་བྱུང་ལས།། སྣོད་གྱུར་ལྕེ་ལ་ཐིམ་པར་བསམ།། སྒྲུབ་པའི་རྫས་ཀྱི་བཀྲ་ཤིས་བརྗོད།། རྡོ་རྗེ་ས་འོག་གི་རྒྱུད་ལས།
iiif viewer powered by OpenSeadragon
