| e-texts navigator |
| Wylie |
255a1 ཎི་ཥི་རྱནྡྷ་ནཱ་ག་ཤ་རཱི་རཱ་ཎི། བི་སྥོ་ཊ་ཡ་ནཱ་ག་ན་ཡ་ནི། འཇིགས་ཤིང་སྐྲག་སྟེ་བརྒྱལ་བར་འགྱུར།། སྙིང་ཁར་ཡི་གེ་ཧཱུཾ་བསྒོམས་པས།། ཀླུ་རྣམས་ཐམས་ཅད
255a2 བསྲེགས་གྱུར་པས། ། བདེ་བ་ཅན་གྱི་གནས་སུ་སྐྱེ།། བྱང་ཆུབ་སེམས་དཔའ་ཕྱག་ན་རྡོ་རྗེས་གསོལ་པ། དེ་ལ་འཇུག་པའི་གནས་དུ་མཆིས།། བཅོམ་ལྡན་འདས་ཀྱིས་བཀའ
255a3 སྩལ་པ། ། རྩ་བཞི་དག་ནས་ཞུགས་གྱུར་ནས།། རྩ་རྣམས་ན་ཞིང་ཚ་བ་དང་།། སྟེང་སྒོ་མི་བདེ་རྡུལ་ཡང་འབྱུང་།། རྨུགས་དང་གཉིད་ཀྱི་བདག་ཉིད་ཅན།། ཤ་མདོག་ལྦུ་བ་ལྟ་བུ།
255a4 སྡེ།། རྨི་ལམ་དུ་ནི་ཆུ་འོད་འབྱུང་།། དེ་ནས་ཆགས་པ་སྤྱད་པར་བྱ།། དབང་པོ་གསུམ་དུ་ཞུགས་གྱུར་ན།། དབང་པོ་སྦྲིད་ཅིང་ལུས་ཀྱང་འདར།། ཤ་ནི་སྐམ་ཞིང་རུས་པ
255a5 ནར། དེ་ལ་ཆགས་པ་མི་སྤྱད་དོ།། ས་ཡི་དབང་པོ་ཀུན་ནས་འཇུག། བ་སྤུའི་ཁུང་བུ་དམར་ཞིང་འགྱུར།། ཕོལ་དང་ཤ་བཀྲ་འབྱུང་བ་དང་།། རྨི་ལམ་དུ་ནི་བྱོལ་སོང་འབྱུང་།།
255a6 རྒྱལ་པོ་དང་ནི་རྩ་བཞིར་འཇུག། ཐོ་རངས་མི་དགའ་མངོན་ཤེས་སྦ།། གཉིད་ཆུང་བ་སྤུའི་གཤིས་ཀྱང་དཀར།། གུ་གུལ་ནག་པོ་བསྟེན་པར་བྱ།། བྱང་ཆུབ་སེམས་དཔའ་ཕྱག་ན་རྡོ་རྗེ
255a7 གསོམ་པ། ནང་དེ་འཚོ་བ་དང་མི་འཚོ་བའི་རྣམ་པ་ཇི་ལྟར་ལགས། རྡོ་རྗེ་འཛིན་པས་གསུངས་པ། བསྙེན་པ་མཚན་མ་ཐོབ་པ་ཡིས།། བདུད་རྩི་ལྔ་དང་ཐ་རྩི་དང་།། འབྲས་བུ
iiif viewer powered by OpenSeadragon
