| e-texts navigator |
| Wylie |
254a1 མཆོད་རྟེན་འོག་ཏུ་མནན། ། སྙིང་པོའི་འོད་ཀྱིས་སྔགས་མཁན་དང་།། ལྷ་སྲིན་འཁོར་དང་བཅས་པ་དགུག། དེ་ལ་ཐུན་གྱིས་ཟབ་པར་བྱ།། འབྱུང་པོ་འཁྲུགས་པའི
254a2 དུས་སུ་ནི། ། སྟོན་པའི་ང་རྒྱལ་ལྡན་པ་ལ།། མཐེ་བོང་དང་ནི་མཐེའུ་ཆུང་ལ།། ཧཱུཾ་ལས་ཕྱག་ན་རྡོ་རྗེ་བསྐྱེད།། མཐེའུ་ཆུང་ཕྱག་ན་རྡོ་རྗེ་ཡི།། ཐུགས་ནས་ཕྱག་ན་རྡོ་རྗེ་ནི།། ཞགས
254a3 པ་ལྕགས་ཀྱུ་ཐོགས་པ་སྤྲོ། ། སྙིང་ནི་ལྕགས་ཀྱུས་དགུག་པ་དང་།། མགྲིན་པ་ཞགས་པས་བཅིང་བར་བྱ།། མཐེ་བོང་ཕྱག་ན་རྡོ་རྗེ་ཡི།། རྡོ་རྗེ་ལས་ནི་རྡོ་རྗེ་སྤྲོ།། བགེགས་རྣམ
254a4 ལ་ནི་བསྣུན་པར་བྱ། ། བ་སྤུའི་གཤིས་ན་རྡོ་རྗེ་འཕྲོ།། ནམ་མཁའ་ཐམས་ཅད་རྡོ་རྗེར་གྲུབ།། ཡུངས་ཀར་རྡོ་རྗེར་བསྐྱེད་ལ་བྱ་བ།། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོ
254a5 རྗེ་འཛིན་པ་ལ་མཆོད་ཅིང་ཕྱག་འཚལ་ནས་ཆེད་དུ་བརྗོད་པ། ཨེ་མ་ཧོ་སྟོན་པ་རྡོ་རྗེ་འཛིན།། སེམས་ཅན་རྣམས་ལ་ཕན་དོན་དུ།། ཚར་གཅད་རྗེས་གཟུང་གསུངས་པ་མཚར།། དབུལ
254a6 དང་ཡི་དགས་གནས་ལས་ཐར། ། རྡོ་རྗེ་ས་འོག་གི་རྒྱུད་ལས། ནོར་སྒྲུབ་པ་དང་གནོད་པ་བཟློག་པ་སྟེ་ལེའུ་གཉིས་པའོ།། །། དེ་ནས་བྱང་ཆུབ་སེམས་དཔའ་ཕྱག་ན་རྡོ
254a7 རྗེས་རྡོ་རྗེ་འཛིན་ལ་མཆོད་ཅིང་ཕྱག་འཚལ་ནས་གསོལ་བ་བཏབ་པ། ཀླུ་དང་གནོད་སྦྱིན་ས་བདག་གི། མཛེ་དང་དམུ་ཆུ་ཇི་ལྟར་བཟློག། དེ་ནས་རྡོ་རྗེ་འཛིན་རྒྱལ་པོས།། གསུང
iiif viewer powered by OpenSeadragon
