| e-texts navigator |
| Wylie |
253b1 ཀླུ་ཡི་རྒྱལ་པོ་རྣམས་ཀྱིས་རྟག་ཏུ་བསྟོད།། རྡོ་རྗེ་ས་འོག་གི་རྒྱུད་ལས། གླེང་གཞིའི་ལེའུ་སྟེ་དང་པོའོ།། ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་རྡོརྗེ
253b2 འཆང་ལ་ཡང་དང་ཡང་དུ་ཕྱག་འཚལ་ནས་གསོལ་བ་བཏབ་པ། སེར་སྣའི་དབང་གིས་དབུལ་གྱུར་པ།། ནོར་རྣམས་ཇི་ལྟར་བསྒྲུབ་པར་བགྱི།། མདུན་གྱི་ཕྱག་ན་རྡོ་རྗེ་ཡི།། ཡེ་ཤེས
253b3 སེམས་དཔའི་ཕྱག་གཡས་པར། ། ཛམྦྷ་ལ་ནི་བསྒོམ་པར་བྱ།། བདག་ཉིད་སྔགས་ཀྱི་རྒྱལ་པོ་ཟློས།། སྙིང་ཁར་འོད་ཟེར་དག་གིས་ནི།། ཡེ་ཤེས་སེམས་དཔའ་བསྐུལ་བར་བྱ།།
253b4 ཡེ་ཤེས་སེམས་དཔས་ཛམྦྷ་ལའི།། སྔགས་ནི་ཟློས་པ་ཉིད་དུ་སྒོམ།། ཡེ་ཤེས་སེམས་དཔའི་ཐུགས་ཀ་ནས།། འོད་བྱུང་ཛམྦྷ་ལ་བསྐུལ་ལོ།། ནོར་གྱི་རྒྱ་མཚོ་གང་བར་འགྱུར།།
253b5 དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས།། རྡོ་རྗེ་འཛིན་ལ་གསོལ་བ་བཏབ་པ། ཉེས་པ་ཤིན་ཏུ་ཕྲ་མོ་ལ།། གྲགས་དང་རྙེད་པའི་དོན་དུ་ནི།། འཇིག་རྟེན་གནོད་བྱེད་སྒྲུབ་བྱེད་པ།།
253b6 ཐོག་སེར་བཟློག་པ་བཤད་དུ་གསོལ།། ཐོག་མར་མཆོད་རྟེན་སྔོན་པོ་རྩིག། རབ་གནས་གཞུང་དང་འཐུན་པར་བྱ།། དེ་ཡི་འོག་ཏུ་འཁོར་ལོ་ནི།། རྩིབས་བརྒྱད་ལྟེ་བར་བཅས་པ་བྲི།།
253b7 རྩི་བྲལ་ལྔ་སྲིན་སྙིང་པོ་བྲི།། ཀྲཱྀཿ། ཙཱ་དྷ། ཚཱ་དྷ། ཤྭ་དྷ། ཨཱིཾ་དྷ། སྠོ་དྷ། དྷྲྀ་དྷ། སྠཱདྷ། དབུས་སུ་སྔགས་མཁན་བྲི་བར་བྱ།། དེ་ནས་ཐོད་པའི་ནང་དུ་གཞུག། ཐོད་པ
iiif viewer powered by OpenSeadragon
