| e-texts navigator |
| Wylie |
253a1 ལྡན་པར་བྱས་སོ། ། དེ་ནས་ཀླུའི་རྒྱལ་པོ་རྣམས་འཁྲུགས་སོ།། ཤིན་ཏུ་ཡིད་འཁྲུགས་ནས་ཁ་གཡབ་ཅིང་བྲང་བརྡུངས་ཏེ། ཀྱེ་མ་ཀྱི་ཧུད་བདག་ཀླུའི་གནས་དང་སྟོན་པ་ནི
253a2 འཇིག་རྟེན་པས་ཕྲོགས་པས་འཇིག་རྟེན་པ་རྣམས་བརླག་པར་བྱའོ་ཞེས་ཟེར་ནས། ཀླུའི་ཁའི་རླངས་པས་འཇིག་རྟེན་པ་རྣམས་ལ་མཛེའི་ནང་བཏང་ངོ་།། དེ་ནས་བཅོམ་ལྡན་འདས་ཀྱིས་ནད་སེལ
253a3 བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀའི་དཔལ་བེའུ་ལས་ནད་སེལ་བའི་འོད་ཞལ་ནས་ཀྱང་བཛྲ་ད་ཡ་ཞེས་བྱ་བའི་སྔགས་དང་བཅས་ཏེ་བྱུང་བས་མེ་ལོང་ལ་ཧས་བཏབ
253a4 པ་བཞིན་དུ་སོང་ངོ་། ། དེ་ནས་ཀླུའི་རྒྱལ་པོ་རྣམས་ཀྱིས་ཀླུ་བྲན་རྣམས་བསྐུལ་ནས་ལ་ལ་རྩ་ནས་ཞུགས་སོ།། ལ་ལ་དབང་པོའི་སྒོ་ནས་ཞུགས་སོ།། ལ་ལ་རུས་པ་ནས་ཞུགས་པ་ལ་བཅོམ
253a5 ལྡན་འདས་ཀྱིས་དབུགས་མེ་ལྕེ་ལྟར་འབར་བའི་ཏིང་ངེ་འཛིན་ལ་སྙོམས་པར་ཞུགས་ནས་རྩ་ནས་ཞུགས་པ་ལ་དབུགས་ཀྱིས་བསྲེགས་སོ། ། དབང་པོ་ལ་ཞུགས་པ་དང་། རུས་པ་ལ་ཞུག
253a6 པ་སྲེག་པའི་འཁོར་ལོས་བཅོམ་མོ། ། དེ་ནས་ཀླུའི་རྒྱལ་པོ་རྣམས་ཆེར་འཁྲུགས་ནས་བཅོམ་ལྡན་འདས་ཉིད་ལ་སྣང་བ་རེ་རེ་ཆད་ནས་ལུས་ལ་སྲི་བས་བྱང་ཆུབ་ཀྱི་སེམས་དང་ལྡན་ཏེ་རྒྱན་དུ
253a7 སོང་ངོ་། ། དེ་ནས་ཀླུའི་རྒྱལ་པོ་རྣམས་ཀྱིས་བསྟོད་པ། འཇིག་རྟེན་འདི་ན་ཀླུ་ཡི་རྒྱལ་པོ་མཐུ་ཆེ་ཡང་།། བཅོམ་ལྡན་པ་སྤུའི་བརྒྱ་ཡི་ཆར་མི་ཕོད།། དེས་ན་བཅོམ་ལྡན་འགྲོ་བ་སྐྱོབ་པ་ལ།
iiif viewer powered by OpenSeadragon
