| e-texts navigator |
| Wylie |
252b1 རྗེ་ལ་སོགས་པ་རྣམས་དང་ཐབས་ཅིག་སྟེ། དེ་ནས་བཅོམ་ལྡན་འདས་ཀྱི་ཞབས་གཡས་པ་ནས་འོད་ཟེར་བརྒྱ་སྟོང་དུ་མ་བཀྱེ་བས་འཇིག་རྟེན་དུ་འགྱུར་བ་དང་། ལྷས་བྱུང་བས་འཇིག
252b2 རྟེན་པ་རྣམས་འཇིགས་ཤིང་སྐྲག་ནས་རྒྱལ་བར་གྱུར་ཏོ། ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས། བཅོམ་ལྡན་འདས་ལ་གསོལ་པ། འོད་ཟེར་འདི་འགྱུར་པ་དང་ལྷས་བྱུང་བའི་རྒྱུ་དང
252b3 རྐྱེན་ཅི་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ནི་བསོད་ནམས་ཀྱི་ཚོགས་ཚད་མེད་པ་ལས་གྲུབ་པས་འབྲས་བུའང་ཚད་མེད་ཀྱིས། བྱང་ཆུབ་སེམས་དཔའ་བརྒྱལ་བ་ལས
252b4 བསླང་དུ་གསོལ། དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེའི་ཐུགས་ཀ་ནས་འོད་ཟེར་བརྒྱ་སྟོང་དུ་མ་བཀྱེ་སྟེ། འོད་ཀྱིས་རེག་པ་ཙམ་གྱིས་བརྒྱལ་བ་ལས་བསླངས་སོ།། དེ་ནས་འཇིག་རྟེན་པ
252b5 རྣམས་ཀྱི་མཆེད་དུ་བརྗོད་པ། ཨ་མ་ཐབས་ཆེན་ཐུགས་རྗེ་ཡིས།། འཇིག་རྟེན་ཐམས་ཅད་བརྒྱལ་གྱུར་ན།། ཐུགས་རྗེ་ཆེན་པོའི་འོད་ཟེར་གྱིས།། བརྒྱལ་བ་ཐམས་ཅད་སྤངས་པར་གྱུར།།
252b6 དེ་ནས་འཇིག་རྟེན་པ་རྣམས་ས་འོག་རིམ་པ་བདུན་གྱི་ཀླུའི་རྒྱལ་པོའི་གནས་སུ་འདུས་པར་གྱུར་ནས་གསོལ་བ་བཏབ་པ། སྐུ་གསུང་ཐུག་ཀྱི་འཕྲིན་ལས་ཅན།། སྟོན་པ་བཅོམ་ལྡན་རྡོ་རྗེ་འཛིན།།
252b7 འཇིག་རྟེན་རྣམས་ལ་ཕན་གདགས་ཕྱིར།། རྡུལ་བྲལ་ཆོས་རྣམས་བཤད་དུ་གསོལ།། དེ་ནས་བཅོམ་ལྡན་འདས་ཀྱིས། བཛྲ་ཨ་བྷི་ཥིཉྩ་བཛྲ་པཱ་ཎི་ཧཱུཾ། ཞེས་གསུངས་པས་སྣོད་དང
iiif viewer powered by OpenSeadragon
