| e-texts navigator |
| Wylie |
252a1 བཟླས། ། རྡོ་རྗེ་འཕྲེང་བས་རབ་བཅད་ན།། ཐེ་ཙོམ་མེད་པར་འགྲུབ་པར་འགྱུར།། འོག་གི་བགེགས་བཟློག་ཆོ་ག་མཆོག། ཡིད་བཞིན་ནོར་ལྟར་འབྱུང་བ་ཡིན།།
252a2 ཐེག་པ་གསུམ་ལ་ངེས་རྒྱལ་བའི།། རྒྱུད་ཆེན་གསང་བ་མཐར་ཐུག་པ།། སྐྱོབ་པ་ཐུགས་ཀྱི་རྣམ་པ་ཡིན།། དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་མ་ཐག་ཏུ།། ལག་ན
252a3 རྡོ་རྗེ་ལ་སོགས་པའི་རིགས་ཀྱི་འཁོར་རྣམས་དང་ལྷའི་ཚོགས་ཐམས་ཅད་ཡི་རངས་ཏེ། ། བཅོམ་ལྡན་འདས་རྡོ་རྗེ་འཆང་གིས་གསུངས་པ་ལ་མངོན་པར་བསྟོད་དོ།། དཔལ་རྡོ་རྗེ་ས་འོག་གི
252a4 རྒྱུད་ལས། གསང་བ་གཏན་ལ་དབབ་པའི་ལེའུ་སྟེ་བཅུ་གསུམ་པའོ།། །། ཁ་ཆེའི་པཎྜི་ཏ་ཙེ་ལུ་དང་། བོད་ཀྱི་ལོ་ཙ་བ་འཕགས་པ་ཤེས་རབ་ཀྱིས་བསྒྱུར་བའོ།།
252a5 རྫོགས་སོ།། ། རྒྱ་གར་སྐད་དུ། ཨཱརྱ་བཛྲ་པཱ་ཎི་ནཱི་ལཱམྦ་ར་དྷ་ར་བཛྲ་པཱ་ཏཱ་ལ་ནཱ་མ་ཏནྟྲ། བོད་སྐད་དུ། འཕགས་པ་ལག་ན་རྡོ་རྗེ་གོས
252a6 སྔོན་པོ་ཅན་རྡོ་རྗེ་ས་འོག་ཅེས་བྱ་བའི་རྒྱུད། དཀོན་མཆོག་གསུམ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ས་འོག་རིམ་པའི་མདུན་ཀླུའི
252a7 རྒྱལ་པོའི་གནས་ན་རིན་པོ་ཆེའི་ཁྲི་ལ་བཞུགས་ཏེ། ཀླུའི་རྒྱལ་པོ་དགའ་བོ་དང་། ཉེ་དགའ་པོ་དང་། རིགས་ལྡན་ལ་སོགས་ཏེ་ཀླུ་རྣམས་དང་། བྱང་ཆུབ་སེམས་དཔའ་ལག་ན་ཇེ
iiif viewer powered by OpenSeadragon
