| e-texts navigator |
| Wylie |
247b1 ཧཱུཾ་ཛཛ། འགྲོ་བ་དགུག་པའི་སྔགས་སོ།། དེ་ལྟར་སྦྱིན་སྲེག་རབ་བྱས་ནས།། ཆུ་བོ་བསྐམས་དང་ཀླུ་ཤིང་བཅད།། གླང་ཆེན་གཡང་ལྒང་མེ་ཆེན་འབར།། ནང་དང་ཡམས་སོགས
247b2 བྱུང་བའི་ཚེ། ། ཞི་བ་མཆོག་གི་ལས་བསྒྲུབས་ཏེ།། ཐབ་ཁུང་ཟླུམ་པོ་རབ་དཀར་བ།། རིམ་པ་གསུམ་ལྡན་ཁྲུ་གང་ཚད།། ཟབས་སུ་ཁྲུ་ཕྱེད་བརྐོས་བྱས་ནས།། ཞི་བའི་ལས་ཀྱི
247b3 ཆོ་ག་བྱ། ། དེ་ལྟར་བྱས་ན་མཚན་མ་ཡི།། དངོས་གྲུབ་ཐོབ་པར་ཐེ་ཙོམ་མེད།། ལག་ན་རྡོ་རྗེ་རྡོ་རྗེ་འཛིན།། གུས་པས་རྒྱུད་དོན་རབ་ཏུ་ཟུང་།། འགྲོ་བའི་དོན་ལ་རབ་བརྩོན་གྱིས།།
247b4 ཀྱེ་མ་རྒྱུད་ཆེན་མཆོག་ཏུ་གསང་།། བྱིན་རླབས་སྔོན་དུ་ཆེར་འབྱུང་བ།། སྟོན་པ་རྡོ་རྗེ་འཆང་གིས་གསུངས།། རབ་ཏུ་འབད་པས་སྒྲུབ་པར་གྱིས།། དཔལ་རྡོ་རྗེ་ས་འོག་གི་རྒྱུད་ལས།།
247b5 སྦྱིན་སྲེག་གི་རིམ་པ་སྟེ་ལེའུ་དྲུག་པའོ།། ། དེ་ནས་སྟོན་པ་རྡོ་རྗེ་འཆང་།། དཔལ་ཆེན་གདམ་ལ་རབ་བཞེངས་ནས།། ལག་ན་རྡོ་རྗེ་ལ་གཟིགས་ནས།། ལས་ཀྱི་ཆོ་ག་བཤད
247b6 པར་བྱ། ། དུག་ལ་སོགས་པའི་རྫས་རྣམས་ལ།། གང་འདོད་པ་ཡི་གཟུགས་བྱས་ཏེ།། སྙིང་ཁར་འཁྲུལ་འཁོར་རབ་ཏུ་གཞུག། བདག་ཉིད་ལས་ཀྱི་ལྷར་གསལ་བས།། གའུའི་ནང
247b7 དུ་རབ་བཅུག་སྟེ། ། ཚོན་གྱི་ཐ་གུ་སྣ་ལྔ་དཀྲི།། སྙིང་ཁའི་ལྕགས་ཀྱུ་རབ་བཀུག་ནས།། ཡི་གེ་བཅུ་གསུམ་འཁྲུལ་འཁོར་བཟླས།། འགུལ་གཡོ་ཡི་ནི་རྟགས་བྱུང་ནས།། ཆུ་ཆེན
iiif viewer powered by OpenSeadragon
