| e-texts navigator |
| Wylie |
245b1 ཞེས་གསོལ་བ་བཏབ་བོ། ། དེ་ནས་བཅོམ་ལྡན་འདས་ཀྱིས་ཅང་མི་གསུང་བར་ཐུགས་ཀྱིས་གནང་ནས་རང་གི་ཐུགས་ཀ་ནས་འོད་ཟེར་ཀུན་ཏུ་ཁྱབ་པར་སྤྲོས་ཏེ། སེམས་ཅན་ཐམས་ཅད་ལ
245b2 བྱམས་པས་ཁྱབ་པར་མཛད་ནས་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ངས་བགེགས་ལ་བསྣུན་པའི་འཁོར་ལོ་བཤད་ཀྱིས་ཁྱོད་རྩེ་གཅིག་ཏུ་ཉོན་ཅིག། དེ་ལྟར་འཚལ་ལོ་ཞེས
245b3 ཝཱར་ཉན་ནོ། ། བཅོམ་ལྡན་འདས་ཀྱིས་བཀའ་སྩལ་པ། གང་ཞིག་འཁྲུལ་འཁོར་བྱེད་འདོད་པས།། རྣམས་དགའ་དབེན་པའི་གནས་དག་ཏུ།། ཕྱག་ན་རྡོ་རྗེའི་རྣལ་འབྱོར་བྱ།། སྡོད
245b4 བཅུད་རྡོ་རྗེ་གཏུམ་པོར་སྒོམ། ། རླུང་ལས་རི་རབ་མཐར་ཐུག་པ།། རྡུལ་སྙེད་གྲངས་ཀྱི་སྐུ་རུ་བསམ།། དབུས་ན་ཕྱུག་རྡོར་རྣལ་འབྱོར་བསྒོམ།། རི་བོང་འཛིན་པ་ཞབས་ཀྱིས་བརྡབས།
245b5 སྟོང་གསུམ་ཆོད་ཀྱི་ཟླ་བ་ལ།། བགེགས་ཆེན་ཀུན་ཏུ་འདར་བར་བསྒོམ།། སྐུ་ལ་ཉི་མ་སྙིང་ལྡན་པའི།། གཟི་བརྗིད་བཟོད་དཀའི་འོད་ཟེར་གྱིས།། བགེགས་རྣམས་མ་ལུས་འཚིག་པར
245b6 བསྒོམ། ། ལྗགས་ལས་བཟླས་པའི་སྔགས་འཕྲེང་གིས།། སྟོང་གསུམ་གང་བར་རབ་ཏུ་བསྒོམ།། རྒྱན་དུ་བྱས་པའི་ཀླུ་བརྒྱད་ཀྱིས།། ཁ་རླངས་ཆེན་པོ་བཏང་བ་ལ།། ལྷ་ཀླུ་ཐམས
245b7 ཅད་སྦགས་པར་འགྱུར། ། ཐུགས་ལས་ཁྲོ་སྤོས་དེ་དག་གིས།། བསྐལ་པའི་རླུང་ལྟར་འཐོར་བར་འགྱུར།། ཕྱག་གིས་རྡོ་རྗེ་རབ་བསྣུན་པས།། སྒྱོགས་གཟེར་བཞིན་དུ་བསྣུན་པ
iiif viewer powered by OpenSeadragon
