| e-texts navigator |
| Wylie |
245a1 ཀྱི་འཕྲིན་ལས་ཇི་ལྟ་བ་བཞིན་དུ་བདག་ཅག་གིས་མ་བསྒྲུབས་ན། བདག་ཅག་གིས་བཅོམ་ལྡན་འདས་ལ་འཁུས་པར་གྱུར་ཅིང་།། བདག་ཅག་གི་ཆོས་མ་བསྐྱངས་པར
245a2 བྱས་པ་ཡིན་ནོ། ། དེ་ལ་བདག་གི་བྲོ་ཚིག་ནི་འདི་ཡིན་ནོ།། ཨོཾ་བཻ་ཤྲ་ཨརྠ་ཁ་ཐཾ་ཞེས་བྱའོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། རྣམ་ཐོས་ཀྱི་བུ་ཆེན་པོ་ལེགས་སོ།།
245a3 ཤིན་ཏུ་རབ་ཏུ་ལེགས་སོ།། མ་འོངས་པའི་གང་ཟག་གི་དོན་དུ་རང་གི་གསང་བ་སྨྲས་པ་ནི་དོན་ཆེན་པོ་དང་ལྡན་ནོ།། ངས་ཀྱང་དེ་རྣམས་ཀྱི་དོན་ངེས་པར་འགྲུབ་པར་བྱ་བའི་ཕྱིར་སྔགས་འདི
245a4 བཤད་ཀྱིས་ཉོན་ཅིག། བཅོམ་ལྡན་འདས་ལ་ལེགས་སོ་ཞེས་རྣམ་ཐོས་ཀྱི་བུ་ལ་སོགས་པ་རྣམས་ལྟར་ཉན་ནོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ཨོཾ་བཛྲ་པཱ་ཎི་ནཱི
245a5 ལཱམྦ་ར་དྷ་ར་བཛྲ་སྥོ་ཊ་ཧཱུཾ་ཕཊ་སྭཱ་ཧཱ། རིག་པ་འདི་ནི་ལས་ཐམས་ཅད་དབང་དུ་སྡུད་པའི་སྔགས་སོ།། རྣམ་ཐོས་ཀྱི་བུ་ཆེན་པོས་ཇི་ལྟར་ཁས་བླངས་པ་ལྟར་གསང་བ་དང་ལྡན་པར་བྱེད་པའོ།།
245a6 དེ་བཞིན་གྱུར་ཅེས་ནས་གནོད་སྦྱིན་མི་སྣང་བར་གྱུར་ཏོ།། རྡོ་རྗེ་ས་འོག་གི་རྒྱུད་ལས། རྣམ་ཐོས་སྲས་ཀྱི་ལེའུ་སྟེ་གསུམ་པའོ།། །། དེ་ནས་ཡང་བྱང་ཆུབ་སེམས
245a7 དཔའ་ཕྱག་ན་རྡོ་རྗེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་མ་འོངས་པའི་སེམས་ཅན་རྣམས་ཀྱི་དོན་དུ་གདུག་པ་ཅན་ལ་བསྣུན་པའི་འཁོར་ལོ་བཤད་དུ་གསོལ
iiif viewer powered by OpenSeadragon
